Փաստ ինֆո

1994թ-ից հետո չենք ունեցել գերիներ և ադրբեջանցիները չէին համարձակվում դա անելու։ Չեմ ասում՝ հրաձգություն չի եղել, չեն փորձել դիվերսիա անել, այդ ամենը եղել է, բայց գերինե՞ր։ Դրանից հետո այս աննամուսը ելույթ է ունենում, ասում է՝ մեր գերիները մեկ-երկու ամիս էլ կհամբերեն, մեկ-երկու ամիս մեզ կներեն։ Այնքան է լկտիացել, որ իրեն շատ բան է ներվել, դա էլ է ներվելու։ Այս մասին հայտարարել է ՀՀ երրորդ նախագահ Սերժ Սարգսյանը՝ անդրադառնալով այսօր ադրբեջանցիների կողմից հայ

պայմանագրային զինծառայողին գերեվարելու փաստին և Նիկոլ Փաշինյանի հայտարարությունն առ այն, թե գերիները կներեն։

«Լավ, դա մա՞րդ է, խիղճ ունի՞։ Ինքը չի՞ հասկանում այդ մարդիկ ինչի միջով են անցնում, չի հասկանում, որ այդ մարդիկ ամեն օր մտածում են, թե իրենց երբ են բռնաբարելու, իրենց երբ են սպանելու, երբ են խոշտանգելու, ոնց կարող է այդպիսի բան լինել։ Ինքը հասկանու՞մ է այդ մարդիկ ինչ վիճակում են։ Պետք է թքես այդպիսի ղեկավարի վրա։ Հիմա ասում եմ՝ թող հիմա իրա երեխային տանի տա, փոխարենը 20-25 ռամզագերի ետ բերի, մի հատ տեսնեմ դրանից հետո ինքն այդպես է խոսելու ռազմագերիների մասին »,- նշեց երրորդ նախագահը՝ ընդգծելով, որ նրա համար տարբերություն չկա, միշտ երեխաներին օգտագործել է իր PR-ի համար, գոնե այս պարագայում օգուտ կունենայինք՝ մոտ երեք տասնյակ զինվոր կվերադարձվեն։

Աղբյուր` Փաստինֆո