Փաստ ինֆո

«Փաստ» օրաթերթը գրում է . «Հայ ժողովուրդն իր պատմության ընթացքում անցել է շատ արհավիրքների միջով: Թուրքի կողմից ենթարկվել է Ցեղասպանության՝ գենոցիդի, ֆիզիկական բնաջնջման` ելնելով ազգային պատկանելությունից: Հայ ազգը ենթարկվել և ենթարկվում է կուլտուրոցիդի, երբ թուրք – թաթարական հորդաները մինչ օրս ոչնչացնում են հայկական մշակութային ժառանգությունը, լավագույն դեպքում՝ սեփականում այն: Եվ կա պատուհասի վերջին փուլը, երբ սատանայական ծեսերով իշխանության եկածը ավերում ու ոչնչացնում է ամեն լուսավորը` մատղաշ սերնդից մինչև հոգևոր արժեքներ, ներքին մշակույթից մինչև բարոյական արժեքներ:

Սա կոչվում է նիկոլական հայոցիդ: Ցավալին այն է, որ սույն պատուհասն իր սպասարկուներով ու մանկլավիկներով հասցրել է մի ստվար զանգված զոմբիացնել: Եվ արդեն ունենք նիկոլական հայոցիդի պարբերական հիվանդությամբ տառապող պացիենտների մի ստվար բանակ` Նիկոլի վկաները: Վերջիններս ահավոր վտանգավոր են, քանզի խուլ ու կույր են ամեն լուսավորի ու խոհեմության հանդեպ: Ցավոք, նրանք նաև համր չեն, զի երբ բացվում են նրանց երախները, թույնի ու ժահրի կույտեր են թափվում այնտեղից: Սրանք կյանքում չբավարարված և նախանձի յուղով տապակվածներն են: Նրանք են, որոնք թքած ունեն ազգի գենի, մատաղ սերնդի թափած արյան վրա: Նրանք են, որոնց համար հայրենիքում գոյություն ունեն դժբախտ ու դժգույն քաղաքներ, որոնց ամենևեին պետք չէ տարին տասն ամիս ձյան տակ կքած սարը (իրականում հայրենիքի մաս կազմող, շրջակա բնակավայրերի նկատմամբ գերիշխող դիրք ունեցող բարձունք է):

Նրանք են, որոնց համար պարտությունը պարծանքի առարկա է, և թքած, թե դրա արդյունքում չենք կորցրել Հայրենիքի մի զգալի հատված, որի հողը ոռոգվել է մեր եղբայրների արյամբ: Մեր եղբայրների: Ո՛չ իրենց: Ուստի մի օր էլ մերն են հեղելու, եթե շանս ստանան: Դա չարն է՝ տղամարդու, թե կնոջ կերպարով, որ քարոզում, տարածում է անբարոյականություն, նաև` օրինակ ծառայում: Վկաները փորձեցին ծիսակարգով անուններ գրել քարին (Ծիծեռնակաբերդի սյուներին) ու մատաղ արեցին մի ողջ սերունդ: Եկեղեցին ու հոգևորականին քարկոծելով՝ կարծեցին, թե հոգին են վերացնում: Պատմության դասագրքերը սրբագրելով՝ կարծեցին, թե պատմությունը փոխեցին, բնակչության մի մասի ուղեղը լվանալով, զոմբիացնելով՝ կարծեցին, թե ազգի գենոֆոնդն են փոխել…

Նիկոլական հայոցիդն իրականում շատ վտանգավոր ու վնասակար երևույթ է, բայց ո՛չ անբուժելի: Նրանք պարզապես չգիտեն Հարության խորհուրդը: Որտեղից իմանան»:

Հոդվածն ամբողջությամբ կարող եք կարդալ «Փաստ» թերթի՝ 08․06.21թ համարում։

Աղբյուր` Փաստինֆո