Փաստ ինֆո

«Սահմանամերձ բնակիչների կայնքի իրավունքն է ոտնահարվում, բայց քաղաքացիական հասարակությունը լուռ է»,- այս մասին հայտնեց «Պատիվ ունեմ» դաշինքի անդամ Թագուհի Թովմասյանը՝ նշելով, որ հետհեղափոխական Հայաստանում անհետացել է քաղաքացիական հասարակությունը։

Թովմասյանը նշեց, որ այսօր մարդու իրավունքների աղաղակող խախտումներ են գրանցվում, խոսքի իրավունքի և ազատության տարաբնույթ հարձակումների ենթարկվում։

«Պետք է ստեղծենք պայմաններ, որպեսզի ընդհանուր շահ ունեցող քաղաքացիները կարողանան միավորվել, օտարածին ֆինանսավորմամբ քաղաքացիական միավորները պետք է իրենց տեղը զիջեն պետական դրամաշնորհային ծրագրերով ազգային օրակարգ սպասարկող միավորներին։ Օրենսդրական կարգավորումներով պետք է մասնավոր հատվածին խրախուսենք, որպեսզի դրսևորեն սոցիալական բարձր պատասխանատվություն և խթանեն քաղաքացիական հասրակության գործունեությանը»։

Թովմասյանը կարևորեց նաև բնապահպանությունը՝ ջրային պաշարների կառավարումը, անտառների պահպանման և ստեղծման գործերը իսկ էկոլոգիական դաստեարակություն սկսել մանկապարտեզից։

Հավելենք, որ «Պատիվ ունեմ» դաշինքի անդամները նախընտրական քարոզարշավի պաշտոնական մեկնարկի ժամանակ ներկայացնում են իրենց անելիքները, ծրագրերը՝ իր առանձնահատկություններով։

Ամենատարբեր ՝ իրավական, տնտեսական, անվտանգության, առողջապահության և այլ ոլորտները ներկայացնում են դաշինքի՝ գիտելիք, փորձ ունեցող թիմի անդամները:

Դաշինքի նախընտրական քարոզարշավը բաղկացած է 9 հիմնական բաժիններից՝ «Իրավական պետություն և արդյունավետ պետական կառավարում», «Անվտանգություն և արտաքին քաղաքականություն», «Տնտեսություն», «Սոցիալական ոլորտ», «Կրթություն և գիտություն», «Մշակույթ», «Առողջապահություն», «Երիտասարդություն, ֆիզիկական կուլտուրա և սպորտ», «Շրջակա միջավայրի պահպանություն»։

Աղբյուր` Փաստինֆո