Փաստ ինֆո

Գեղարքունիքի մարզի Գեղամասար համայնքի ղեկավար Հակոբ Ավետյանը ուղերձով դիմել է հանրությանը՝ հիշեցնելով թե ինչ խնդիրների առջև են կանգնել համայնքի Կութ, Նորաբակ, Սոթք, Ազատ գյուղերը, նշել, թե ինչպես են համայնքից գերեվարվել վեց հայ պահեստազորայիններ։ 

Ավետյանը նաև հիշեցրեց, որ հունիսի 5-ին թշնամին կրակ է բացել հովվի ուղղությամբ, սպանել կենդանիներից մեկին, վիրավորել հովվի ձիուն, իսկ նախիրից 80 կով հայտնվել է թշնամու ձեռքում, որից անասնատերերը մեծ ֆինանսական կորուստ են կրել։

Նրա համոզմամբ՝ վտանգված է բնակիչների կյանքը։ Գեղամասար համայնքը իր 18 գյուղերով գտնվում է սահմանի երկայնքով և այս իրավիճակում մնալը լի է վտանգներով։

Ավետյանը կոչ է անում համախմբվել մի գաղափարի շուրջ, հունիսի 20-ին ընտրել գրագետ քաղաքական գործիչ և իրավիճակից դուրս գալու համար առաջարկում է ընտրել Ռոբերտ Քոչարյանին։

«Հունիսի 20-ին կայանալիք արտահերթ ընտրություններում մեզ անհրաժեշտ է ճգնաժամային իրավիճակներում ղեկավարման լուրջ փորձ ու գիտելիքներ ունեցող, միջազգային լայն կապեր ունեցող, գրագետ և կամային քաղաքական գործիչ, և այդ քաղաքական գործիքը Ռոբերտ Քոչարյանն է։ Ռոբերտ Քոչարյանը բազմիցս է ապացուցել իր՝ ճգնաժամային իրավիճակներում գրագետ և կամային որոշումներ կայացնելու կարողությունները, իսկ նրա պետականամետությունն ու հայենասիրությունը կասկածից վեր է»,- ասաց համայնքապետը՝ կոչ անելով ընտրել «Հայաստան» դաշինքին։

Համայնքի ղեկավարը նշեց, որ ինքն արձակուրդում է գտնվում, ուստի կղեկավարի համայնքի «Հայաստան» դաշինքի շտաբը։

Աղբյուր` Փաստինֆո