Փաստ ինֆո

Նոյեմբերի 9-ից հետո, եթե Նիկոլ Փաշինյանը հրաժարական տար, այսօր չէինք չունենա Գեղարքունիքում գերեվարված նոր գերիներ, անվտանգային քանդված միջավայր»,- ասել է Արթուր Վանեցյանը՝ քաղաքագետ Տիգրան Աբրահամյանի հետ ուղիղ եթերում գնահատելով ստեղծված իրավիճակը։

Ինչպես արեն «Փաստինֆո»-ն տեղեկացրել է՝ «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը նույն դաշինքի անդամ, «Հենակետ» վերլուծական կենտրոնի ղեկավար Տիգրան Աբրահամյանի հետ ուղեւորվել են Արցախ եւ ճանապարհին կանգ առել Սյունիքի Սիսիան-Գորիս ճանապարհահատվածում՝ Սիսիանի դարպասների մոտ, որտեղ ուղիղ եթերում զրուցել են Սյունիքի, Արցախի անվտանգային հարցերի մասին։

«Մենք անհետ կորածների, գերիների վերադարձի ու այլ հարցեր մի կողմ դրած՝ հիմա մտածում ենք, թե ոնց անենք, որ ադրբեջանցիներին Հայաստանի տարածքից վռնդենք»,- ասել է Ա. Վանեցյանը։

Տիգրան Աբրահամյանի դիտարկմանը, որ Ադրբեջանն ամեն ինչ անում է շահեկան դիրքեր ձեռք բերելու համար, որ վերահսկի Հայաստանի մայրուղիների վերահսկման համար։

«Վաղն այս իշխանությունը գալու է ասի, գիտե՞ք ինչ կա, իրավիճակն այսպես էր, մտել էին մեր սահմաններից ներս»,- նշեց Աբրահամյանը, ինչին ի պատասխան Ա. Վանեցյանը նկատել է. «Նիկոլն անվերջ պարտությունների շղթա է։ Մեր թշնամի ադրբեջանցիները հասկանում են, որ հունիսի 20-ի ընտրություններում Նիկոլը որևէ շանս չունի վերարտադրվելու, դրա համար փորձում է հիմա մաքսիմալ պոկել, որ հետագայում հաջորդ իշխանության հետ բանակցելիքս ունենա մաքսիմալ թվով խաղաքարտեր»։

Նրա գնահատմամբ՝ Նիկոլի ամենամեծ բացթողումներից մեկն այն է, որ չի կարողանում ճիշտ ժամանակին որոշում կայացնել՝ նշելով, որ եթե ժամանակ նո որոշում կայացներ ու հրաժարական տար, ապա այսօր նոր գերիներ չէինք ունենա գերեվարված Գեղարքունիքի մարզից, ու ընդհանրապես չէինք ունենա այս իրավիճակը, այս քանդված անվտանգային միջավայրը։

Աղբյուր` Փաստինֆո