Փաստ ինֆո

Հունիսի 1-ին Բաքվի ծանր հանցագործությունների դատարանն ավարտել է հայ 14 ռազմագերիների դեմ հարուցված մեղադրանքի նախաքննությունը: Նրանք մեղադրվում են իբր տեռորիստական և դիվերսիոն ակտեր, հրդեհներ, և մարդկանց կյանքի վտանգ սպառնացող ահաբեկչական պլանավորված գործողություններ կատարելու մեջ: Այս մասին ԱԺ-ում ելույթի ժամանակ ասաց պատգամավոր Նաիրա Զոհրաբյանը:

«Հիշեցնեմ, որ խոսքը դեկտեմբերի 13-ին Հադրութի մերձակայքում գերեվարված մեր տղաների մասին է, որոնց, չնայած միջազգային հանրության ճնշմանը, Ադրբեջանը հրաժարվում է ճանաչել ռազմագերի»,-ասաց պատգամավորը:

Զոհրաբյանը նշեց, որ հայ ռազմագերիներից շատերի հանդեպ նախաքննությունն ավարտված է, և ինչպես Ադրբեջանի տարածած հաղորդագրության մեջ է ասվում, այս պահին գործի նյութերի հետ ծանոթացման գործընթաց է գնում.

«Հիշեցնեմ, որ 6 օր առաջ ԳՇ պատասխանատուն հայտարարել էր՝ Ադրբեջանին տալիս ենք մեկ ժամ ժամանակ վերջերս գերեվարված մեր տղաներին վերադարձնելու համար, ԳՇ պաշտոնյայի տված մեկ ժամից անցել է 144 ժամ և մեր տղաները շարունակում են մնալ գերեվարված, իսկ երեկ Մոսկվայից վերադարձած պատվիրակությունը, որը պետք է բանակցեր սահմանային միջադեպերի և գերեվարվարված 6 անձանց հետ կապված, վերադարձել է ձեռնունայն, որովհետև նրանք տարածեցին մի լղոզած հայտարարություն, որտեղ ընդամենն ասվում է՝ բանակցությունները շարունակվում են»,-ասաց Նաիրա Զոհրաբյանը:

Աղբյուր` Փաստինֆո