Փաստ ինֆո

Վերջին անգամ երբ ե՞ք մասնակցել հանձնաժողովի կամ ԱԺ խորհրդի նիստերին: Ես ուզում, որ լրատվամիջոցնեը ոչ միայն ԱԺ ամբիոնը ցույց տան, այլ նաև դահլիճը, որ ժողովուրդը հասկանա՝ ով է աշխատում, ով է պարզապես ժամանցով զբաղված: ԱԺ-ում ելույթի ժամանակ ասաց իմքայլական պատգամավոր Վլադիմիր Վարդանյանը՝ դիմելով ԲՀԿ-ական պատգամավորներին:

Իմքայլական պատգամավորի մեղադրանքներին արձագանքեց ԲՀԿ քարտուղարը՝ նշելով, որ նիստերին չեն մասնակցում, քանի որ քննարկվող օրակարգերը չեն համապատասխանում երկրում ստեղծված իրավիճակին.

«Եթե անհասկանալի է կկրկնենք, այն օրակարգերը, որոնք դուք բերում եք պատերազմից հետո, չեն համապատասխանում այն իրավիճակին, որը տիրում է Հայաստանում, ինչի՞ց գայինք խոսեինք, գայինք արտադրական կանեփը քննարկեի՞նք ձեզ հետ: Չհամարձակվե՛ք մյուս անգամ մեզ ցուցում տալ՝ երբ գանք, և ինչ քվեարկենք, մեծ հարց է՝ ո՞վ է ժամանց անցկացնում»,-Վարդանյանին պատասխանեց Արման Աբովյանը:

ԲՀԿ-ական Միքայել Մելքումյանն էլ հիշեցրեց, որ երեկ կայացած ԱԺ հանձնաժողովներին որևէ պաշտոնյա ներկա չի եղել.

«Ֆինանսական վարչության պետն իրավասու չէ պատասխանել հարցերին: Պետք է ԱԺ-ն իրեն հարգի և հենց հիմա այդ գերատեսչությանը գրենք՝ դուք կա՞ք այս երկրում, թե՞՝ չկաք»,-ասաց Մելքումյանը:

Վլադիմիր Վարդանյանն էլ նշեց, որ պատգամավորներից յուրաքանչյուրը ստանում է աշխատավարձ և ունեն հավասարաչափ լիազորություններ, ուստի պետք է բոլորը հավասար աշխատեն:

Աղբյուր` Փաստինֆո