Փաստ ինֆո

Եթե նախկինում «տեցի կռուգ» ասելով հասկանում էինք զանազան խմբերի «ռազբոռկաների» վայր, ապա նիկոլի թվին հենց մայրաքաղաքի կենտրոնում, առանց ցուցադրական «ռազբոռկաների» են սպանվում մարդիկ։ Այսինքն, նիկոլը կենտրոնն է դարձրել «տեցի կռուգ»։ Քիլլերի թիրախը, ըստ Փաստինֆոյի՝ եղել է Ռաֆայել Մարդոյանը՝ Քյավառցի Ռաֆոն։ Եվ Երևանի կենտրոնում՝ Աբովյան փողոցում /Մոսկվա կինոթատրոնի հատված/ հենց նրան են փորձել սպանել։ Վերջինիս հաջողվել է խուսանավել ու նստել զրահապատ մեքենան, իսկ կրակոցների հետեւանքով ըստ տեղեկությունների, սպանվել է նրա վարորդը։

Ըստ «Փաստինֆո»-ի Մարդոյանի նկատմամբ սպանության փորձ է տեղի ունեցել նաեւ տարիներ առաջ՝ ԱՄՆ-ում։ 2018 թվականի հոկտեմբերի 17-ին ԱՄՆ-ի հայաշատ քաղաքներից մեկում կրակոցներ էին հնչել Ռաֆայել Մարդոյանի ուղղությամբ։ Վերջինիս հրազենային վնասվածքներով ծանր վիճակում հրատապ տեղափոխել էին Բևերլի Հիլզի հիվանդանոցներից մեկը, որտեղ բժիշկներին հաջողվել էր փրկել նրա կյանքը։

Տարիներ առաջ որպես նրա սպանության պատվիատու նշվում էր քրեական հեղինակություն համարվող Արտյոմ Կանևոսկոյի անունը։
Այսօրվա սպանության ոչ սպանողը, ոչ սպանվողը դեռ հայտնի չեն, հայտնի է միայն, որ սպանվողը քրեական աշխարհում հայտնի Դոն Պիպոյի մերձավորների շրջապատից էր, որի հանդեպ իրականացված մահափորձի նախապատրաստությունը եւս կապվում էր Արտյոմ Կանեւսկոյի հետ։

Ակնհայտ, որ նիկոլի թվին Հայաստանում սպանությունները շեշտակի աճ են գրանցում՝ վերադարձնելով մեզ 90-ականների՝ քաղաքական ու քրեական սպանություններով լի Հայաստան։

ԱԱԾ նախկին տնօրեն /2016-2018թթ/ Գեորգի Կուտոյանի մահը անկախության շրջանի պատմության ընթացքում ԱԱԾ ղեկավարի երկրորդ ինքնասպանություն-սպանությունն է, որը տեղի ունեցավ նիկոլական հեղափոխությունից հետո: Ընդ որում, արդեն թավիշը վուլգար վեթթինգի վերածվելու փուլն էր։ Իսկ առաջինը՝ նորանկախ Հայաստանի ազգային անվտանգության նախարար Մարիուս Յուզբաշյանի սպանությունն էր. նա սպանվեց 1993 թ. հունիսի 21-ին Երևանի Կոմիտասի անվան պանթեոնի տարածքում՝ ՀՀ առաջին նախագահ Տեր-Պետրոսյանի պաշտոնավարման շրջանում:

Փաշինյանի պաշտոնավարման շրջանում ուժային կառույցի նախկին բարձրաստիճան սպայակազմի ներկայացուցիչների 3 կասկածելի մահեր դեռ մինչև պատերազմն են արձանագրվել՝ ՀՀ նախկին ոստիկանապետ Հայկ Հարությունյան, Ոստիկանության Երևան քաղաքի վարչության նախկին պետ Աշոտ Կարապետյան, ԱԱԾ նախկին տնօրեն Գեորգի Կուտոյան: Վարկածներից երկուսը՝ Հայկ Հարությունյանինը և Կուտոյանինը՝ ինքնասպանությունն է, իսկ Աշոտ Կարապետյանինը՝ ըստ ռուսական աղբյուրների՝ գազի պայթյունը։ Երեք դեպքում էլ հանգամանքները մշուշոտ են, իսկ օդում կախված հարցերը՝ բազմաթիվ:

Մասնավորաբար՝ Հայկ Հարությունյանի մահն անմիջապես հաջորդել էր Մարտի 1-ի գործով նրա հարցաքննվելու վերաբերյալ իրազեկմանը, իսկ Կուտոյանինը նախորդել էր նրա հաջորդի՝ կրկին ԱԱԾ նախկին տնօրեն Արթուր Վանեցյանի հանդեպ իշխանությունների առճակատման դրսևորումներին: Այսինքն, երկու դեպքում էլ տվյալ ոլորտները և ոլորտային պաշտոնյաներն ու անձինք ուշադրության կենտրոնում էին հայտնվել…

Նկատենք, որ ԱԱԾ նախկին բարձրաստիճան, պաշտոնաթող Գուրգեն Եղիազարյանի մահն էլ, որ նիկոլի թվին տեղի ունեցավ, բազմաթիվ հարցականներ թողեց, որոնցից ամենակարևորը՝ պաշտոնական վարկածով՝ կորոնավիրուսի հետևանքով մահացած Գ․ Եղիազարյանի դժգոհությունն էր, թե՝ հիվանդանոցում իրեն մի դեղ են տալիս, որը խմելուց հետո ինքնազգացողության վատացում է ունենում։ Սրանք փաստեր են, որ վիրտուալ տիրույթում հնչել են նաև մասնագետների կողմից։

Իսկ այսօրվա կրակոցը Աբովյան փողոցում ուղղակիորեն գալիս է փաստելու, որ Հայաստանը, Երևանը նիկոլի թվին վերածվել է մաֆիոզ խմբերի, քրեական հեղինակությունների հաշվեհարդարների վայրի։ Այսինքն, մենք թե՛ արտաքին թշնամի, թե՛ ներքին՝ դավաճան ու նաև՝ քրեական ուժերի թիրախում ենք ու երախում։ Ոստիկանությունը, որ հասարակական կարգն ու հանրության ներքին կյանքի ապահովության երաշխավորը պիտի լիներ, այսօր իր բանուգործը թողած՝ նիկոլի և նրա ընտանիքի պաշտպանությանն է լծվել ամբողջ ուժով և ողջ կազմով։ Արդյունքը՝ մայրաքաղաքի կենտրոնում օրը ցերեկով հնչող կրակոցներն են, վենդետան, որի մասին շարունակ բարբաջում է ինքնահռչակ վարչապետի ժ/պ-ն։ Փրփուրը բերանին ճղճղում է՝ եկել է քաղաքացիական վրեժի ժամանակը։ Այսպիսով՝ դուռ ու դարպաս բացելով ամենատարբեր ուժերի առջև, որոնք օրենքի ու իրավունքի վրա թքած ունենալով՝ սամասուդի ուղին են ընտրում։ Էլ ո՞նց է լինում քրեական հեղինակություններին հրավեր ուղարկելը։

Մեկ այլ ուշագրավ հանգամանք, որի մասին մամուլն ահազանգել է դեռ 2020 թվականին։ Խոսքը վերաբերվում էր ՀՀ առողջապահության նախկին նախարար Արսեն Թորոսյանին և իր ամենավստահելի փոխնախարար Արտյոմ Սմբատյանին, որոնք ղեկավարելով ոստիկանության նախկին գաղտնի աշխատակիցներից կազմված խումբ, տևական ժամանակ այդպիսով ապահովել էին իրենց անվտանգությունը և կատարել տարբեր անձանց հետևելու, նրանց մասին տեղեկություններ հավաքելու առանձին հանձնարարություններ։

Բնականաբար, նրանց այս խուզարկուական դրսևորումներն առանց Նիկոլի չէր կարող լինել և տվյալ խմբի գոյությունը հիշեցնում էր Վանո Սիրադեղյանի գործելավոճը՝ Արմեն Տեր Սահակյանի բանդայի ժամանակները։ Տարբերությունն այն էր, որ այն ժամանակ ոստիկանության գործող աշխատակիցներից կազմված պրոֆեսիոնալ խումբն էր զբաղվում անցանկալի մարդկանց մասին տեղեկություններ հավաքելով, իսկ՝ անհրաժեշտության դեպքում սպանություններ պլանավորելով ու իրականացնելով։
Բայց սա միակ դեպքը չէ, որ վկայում է նիկոլի վանոյական «զամաշկեքի» մասին։ «Օրերս՝ այսպես կոչված՝ «Շիշ բռնող»-ի հետ առնչություն ունեցող բանդայի մասին լուրերն իրարանցում էին առաջացրել ոստիկանությունում. Պարզվում է, սակայն, նրանց ոչ թե բանդան էր անհանգստացրել, այլ՝ դրա գոյության մասին արտահոսքի աղբյուրը։

Ըստ շրջանառվող լուրերի՝ ձերբակալվածները «մարդասպանների» բանդայի անդամներ են, որոնք գործում են իմքայլական պատգամավոր Հայկ Սարգսյանի՝ «Շիշ բռնողի» հովանու ներքո։

Պատմությունը կրկնվում է՝ հիմա էլ՝ պետական բարձրաստիճան պաշտոնյաների մեջ կան արտոնյալներ, որ նիկոլի հրեշավոր մտքերի մսաղացով են անցկացնում մարդկային ճակատագրերը և կյանքերը․ վկա՝ 44 -օրյա ամենադաժան վկան՝ պատերազմը։
Սուքիասյան Գռզո, Քոչարյան Անդո, պարզվում է նաև Արսենյան Գուգո՝ այս մարդիկ անցյալի՝ «մեր դեմ խաղ չկայի» ժամանակից են գալիս, ճիշտ է՝ կատաղության աստիճանին չեն հասել, բայց դե․․․բժշկությունը վկայում է՝ կանխարգելելն է ճիշտ։

Հեղինակ՝ Արթուր Գահնապետյան

Աղբյուր` Փաստինֆո