Փաստ ինֆո

Առողջապահության նախարարության մոտ հավաքվել էին երիտասարդներ՝ դիմելու նախարարի պաշտոնակատարին. Ակցիայի մասնակիցները նշեցին, որ նախարարը իշխող համակարգի մի դետալն է։

Անահիտ, իջիր» վանկարկումներով հավաքվածները պահանջում էին, որ նախարարը ներկայանա իրենց հետ հանդիպման, բացի այդ նշում, որ մինչև ընտրությունները պետք է հրաժարական ներկայացնի։

Նրանք բարձրացնում են իրենց բողոքի ձայնը օրերս պարզված այն իրողության կապակցությամբ, որ զոհված զինծառայողների մարմինները պահվում են նկուղներում: Ըստ հավաքվածների՝ մեղավորները միայն նկատողություն են ստացել, երբ ՀՀ տարածքում խոշտանգվել են հերոսների մարմինները։

Քաղաքացիները նշում էին՝ եթե Ավանեսյանը մեղավոր է ՝ պետք է բացատրություն տա, ապա հրաժարական ներկայացնի։ Քաղաքացին նշեց, որ նախարարությունից պարտադիր պետք է մոտենան ու լսեն իրենց բոլոր հարցերը և պատասխան տան:

«Մենք գիտենք, որ սրա մեղավորը միայն նա չէ, բայց այն, ինչ մենք տեսանք, անընդունելի է, ոնց կարող ենք վստահ լինել, որ վաղը մարտունակ բանակ կունենանք, երբ տեսնում ենք խոշտանգված մարմիններ մեր երկրի ներսում»,-ասաց ակցիայի մասնակիցներից մեկը:

Ակցիայի մասնակիցները սկսեցին տոպրակներ շպրտել ԱՆ շենքի ուղղությամբ: Ոստիկանները միջամտեցին ակցիային, ինչից հետո սկսվեց քաշքշուք ակցիայի մասնակիցների ու ոստիկանների միջև: Ոստիկանները բերման ենթարկեցին ակցիայի մասնակիցներից մի քանիսին:

Աղբյուր` Փաստինֆո