Փաստ ինֆո

Երբ պետությունը գտնվում է ծայրաստիճան թուլացած վիճակում երկրում տեղի են ունենում սարսափելի երևույթներ՝ ընդհուպ օրը ցերեկով, մարդաշատ վայրում սպանություններ,- այս մասին մամուլի ասուլիսի ժամանակ ասաց ՀՅԴ ներկայացուցիչ Բագրատ Եսայանը, մեկնաբանելով այսօր առավոտյան Աբովյան փողոցում տեղի ունեցած գնդակահարությունը:

ՀՅԴ ներկայացուցիչը նկատեց, որ նմանատիպ իրավիճակ ստեղծվել էր 96-97 թվականներին, երբ ընտրություններ կեղծելու արդյունքում թուլացավ Լևոն Տեր-Պետրոսյանի իշխանությունը:

«Նույնը տեղի է ունենում հիմա, փաստացի գոյութուն չունեն իրավապահ կառույցները, նրանք զբաղվում են բացառապես Նիկոլ Փաշինյանի ֆիզիկապես անվտանգությունն  ապահովելով: Փողոցնորում պարեկային ծառայություն չի իրականացվում, երթևեկությունը նորմալ չի աշխատում: Ես պարզապես հույս ունեմ, որ ինչպես 90-ականներին, այսպես էլ հիմա, հունիսի 20-ին՝ ընտրություններից հետո,  այս իրավիճակը կհանգուցալուծվի»,-ասաց ՀՅԴ ներկայացուցիչը:

Անդրադառնալով աղմկահարույց այն փաստին, որ նահատակված մեր զինծառայողների մասունքները իշխանության ներկայացուցիչների անտարբերության պայմաններում, պահվում էին Աբովյանի դիահերձարանում՝ հատակին գցված, քաղաքական գործչի խոսքով, տպավորությունն այնպիսին է , որ իշխանությունը ցանկանում է անհետ կորած զինծառայողների հարազատներին կախվածության մեջ պահել ու միայն հուսադրել։ 

«Կար նաև տեղեկատվություն, որ հայ զինծառայողները հատել են Իրանի սահմանը, մի քանի շաբաթ պահանջվեց, որ մենք պարզենք իրավիճակը: Եվ մարդիկ ապրում էին հույսով: Այս իշխանությունները ոչ մի բանի առաջ կանգ չեն առնում՝ իրենց աթոռը պահելու նպատակով: Անհետ կորած զինծառայողների ծնողները, որոնք ատելությամբ ասում էին, որ ընդդիմությունն է խանգարում վերադարձնել իրենց զավակներին, փակել էին Հերացի փողոցը, այդ մարդիկ ի վերջո հասկացան, թե ինչ են իրենցից ներկայացնում այս իշխանությունները»,-կարծում է Եսայանը:

Աղբյուր` Փաստինֆո