Փաստ ինֆո

Երեխաների պաշտպանության միջազգային օրվա կապակցությամբ Հանրապետության Հրապարակում երեխաների համար կազմակերպված համերգը հետաձգվել է՝ մինչև ժամը 21։00-ն։ Նշենք, որ այսօր՝ հունիսի 1-ին նաև Նիկոլ Փաշինյանի ծննդյան օրն է։

«Եկել եմ այստեղ տեսնելու քանի մարդ կա, որ չգիտի, որ ունենք 5 հազար զոհ, 10 հազարից ավելի վիրավոր, որոնցից ոմանք ուզում են կյանքին վերջ տալ, 40 հազար անտուն մարդ։ Մեր կողքին ապրում են հազարավոր ծնողներ, կանայք, որոնք իրենց երեխաներին, ամուսիններին են հուղարկավորել։ Ի՞նչ է՝ ուզում են խելագարեցնեն»,- հայտարարել է զոհված զինծառայողի հայր Գեղամ Նազարյանը։

Ըստ նրա՝ հանձնարարվել է, որ երեխաներ ապահովվեն համերգին՝ ծնողների հետ, որի նպատակն է ցույց տալ, որ մենք 5 հազար զոհ ունենալուց հետո քեֆ անող ժողովուրդ ենք։ «Ինչ ենք սովորեցնելու մեր երեխաներին, ձեռքը բռնած ասելու են, որ ոչինչ, որ մեր հարեւանի տղան Շուշիում զոհվել է, ոչինչ, որ Գոռը գնաց 20 երեխա փրկեց ու զոհվեց, մեր տանից չեն, եկեք մենք քեֆ՝ անենք»,- ասել է զոհված զինվորի հայրը ու առաջարկել կազմակերպիչներից ճշտել, թե ինչն է դրդել նման համերգ կազմակերպել՝ մարդ եք, թե սատանայի ներկայացուցիչ։

Աղբյուր` Փաստինֆո