Փաստ ինֆո

Իրենց ամբողջ գործունեությամբ կասկածի տակ են դրել երկրի ապագան և հիմա էլ կարգախոս են բերել, որ ապագա կա։ Այս մասին Շիրակի մարզ կատարած այցի ժամանակ ասել է ՀՀ երկրորդ նախագահ Ռոբերտ Քոչարյանը։

«Այս ամենից դասեր պետք է քաղենք։ Ես չեմ ասում, որ մենք գնալու ենք այն ժամանակները, ո՛չ, մենք նոր Հայաստան ենք ուզում կառուցել։

Պետք է ամեն ինչ անենք, որ երկրում չկուտակվեն այնպիսի պրոբլեմներ, որոնց արդյունքում մի խումբ անփորձ, անհասկանալի ինչ-որ մարդիկ կարող են Գյումրիից քայլելով հասնել Երևան և այս պատուհասը բերել մեր երկրի գլխին»,-նշեց Ռոբերտ Քոչարյանը։

Վերջինս նշեց, որ ինքն էլ էր դեմ արտահերթ խորհրդարանական ընտրությունների անցկացմանը, քանի որ ավելի ճիշտ կլիներ, եթե ձևավորվեր ժամանակավոր կառավարություն, որից մեկ տարի անց տեղի ունենային ընտրություններ։

«Կարծում եմ՝ ճիշտ ճանապարհը սա էր։ Ինքս ներգրավված չէի 17 կուսակցությունների ֆորմատի մեջ, բայց աջակցում էի։ Այս մարդը չցանկացավ գնալ։ Ընտրությունները նշանակել է գործող վարչակազմը։ Իրեն հարգող մարդն ամսի 10-ին պետք է ինքն իրեն խփեր։ 5000 կորուստ ենք ունեցել, 11 հազար վիրավոր, հողային կորուստներ։ Հիմա այդ մարդը խոսում է ինչ-որ տղամարդկության մասին։ Ես չգիտեմ՝ այդ մարդը թուղթը ստորագրելուց հետո քանի պամպերս է փոխել և որտեղ»,-նշեց Ռոբերտ Քոչարյանը։

Աղբյուր` Փաստինֆո