Փաստ ինֆո

Քարից կակուղ ամեն բան ուտող և սեփական հիգիենային չհետևող ժ/պ-ն ատամնաթափ բերանը բաց է անում, որ մարզերի բնակիչները տեսնեն ու մտածեն՝ վա՜յ, էս ինչ խեղճ է նիկոլը, 3 տարի վարչապետ եղավ, ատամներն էլ չգցեց, մեր վիճակում է։ Այսպես, 2018 թվականին ժողովրդին որպես իրենց նման «հասարակ մարդ» ներկայանալով և վարչապետի աթոռին բազմելուց հետո արագորեն բացառապես իր շրջապատի շահով առաջնորդվող անձը 3 տարի անց նորից եկել է քվե մուրալու։ Ժողովրդից։ Ժողովրդի անունը անխնա շահարկելով։ ՈՒ նախկինների մասին իր հորինած երգը երգելով․․․

Մինչդեռ իր կողքին կանգնած ժողովուրդ չկա, մարդկանց իր հետ ման է ածում մարզից մարզ։ Այսինքն, դուք նայեք տեսեք էլի, մեկն իր մարզի խնդիրներից մի հարց տալի՞ս է։ Մենախոսում է սկզբից մինչև վերջ։ Իր ստեղծած և ուռճացրած ոստիկանության ուղեկցությամբ, վարչական ռեսուրսի կիրառմամբ՝ զրահաբաճկոնը հագին․․․

Պատերազմը պարտված ու իր խոսքով՝ այդ պարտությամբ հպարտ՝ եկել է, առանց ամոթի կանգնել հազարավոր որդիներ կորցրած ժողովրդի առջև, գերիներ, անհայտ կորածներ, հաշմված զավակներ ունեցող ընտանիքների առջև և ասում է, ժողովուրդ՝ պիտի 60 տոկոս ձայն տաք ինձ, որ կայուն խաղաղություն կարողանամ հաստատել։

Ասում են՝ բոլորի ձայներն իր սիրած՝ թուրքադրբեջանական ձևով կտրում է՝ մեկը չի ասում՝ ախր, դու տեղովդ անկայունություն ես, դու ո՞նց կարող ես կայուն վիճակ հաստատել։ Քոնը միայն թշնամուն հող նվիրելն է՝ «Բատկան» ասել է՝ ինչի դիմաց։

Ինչու՞ է նախապես չեղած-գոյություն չունեցող 60 տոկոսից խոսում 20 տոկոսից ավելի էլեկտորատ չունեցող վարչապետի կատարածուն։ Պատճառը՝ պարզ է՝ բազմատեսակ՝ հնուց եկած և բազմաթիվ՝ նոր տիպի կեղծիքների է գնալու, մանավանդ, հին կեղծարարներն ու մանիպուլյացիայի բոլոր մասնագետներն իրար գլխի են հավաքվել։

2008-ին, ՀՀ առաջին նախագահը մասնակցելով ընտրությանը հենց սկզբից հայտարարեց՝ եթե ես չհաղթեմ՝ ընտրությունները կեղծված են։ Բնականաբար, ոչ այն ժամանակ, ո՛չ էլ հիմա նա հաղթելու էլեկտորատ չուներ և չունի։ Չունի նաև կապիտուլյանտը։

Բայց կապիտուլյանտն ունի ցանկացած ընտրակեղծարարության պատրաստ, այդ գործում հմուտ մարդիկ, որոնք չեն խորշի ոչնչից։

Ո՞նց կարող է իր միակ արժանիքը և հպարտանալիքը պարտությունը համարող ոմն-մեկը խայտառակ պարտությունից հետո հաղթել։ Բնականաբար, միայն ու միայն կեղծիքների մեքենան միացնելով։ Այն արդեն միացված է։ Ի վերջո, եթե 2008-ին առաջին նախագահին ձեռքերի վրա գրկած նախագահական տանելու համար ընդդիմադիր նիկոլն ինչի ասես չդիմեց, հիմա, երբ իր իշխանության վերարտադրության հարցն է, թերևս, պատկերացնել կարել է, թե ինչերի է պատրաստ գնալու․․․

Հ․Գ․Նկատենք, որ ընտրությունների վերաբերյալ կանխատեսումներն ըստ ռուսաստանահայ մեդիամագնատ, հրատարակիչ Արամ Գաբրելյանովի՝ այսօր այսպիսի պատկեր ունեն՝

«Քոչարյան - 35%, Փաշինյան 25%, Ծառուկյան 10%, Վանեցյան 5% ...

Աղբյուր` Փաստինֆո