Փաստ ինֆո

Աբովյանի «Դատաբժշկական գիտագործնական կենտրոնի» մասնաճյուղում փորձաքննված և նույնականացված մի քանի մասունքներ ու դիակներ, որոնք ժամանակավորապես պահվել են կենտրոնի ջերմամեկուսիչ պատերով նկուղային հարկում, հարազատները այլ վայր տեղափոխելու ցանկություն են հայտնել։

ԱՆ խոսնակ Հռիփսիմե Խաչատրյանը «Փաստինֆո»-ի թղթակցի հետ զրույցում պարզաբանեց, թե ինչպե՞ս է ստացվում, որ ծնողներին և հարազատներին չեն հանձնվել մարմիններն ու մասունքները: Ըստ նրա՝ ծնողների և հարազատների որոշ մասը նույնականացումից հետո չի հավատում, որ իրենց հարազատի դին է: Սա է պատճառը, որ մինչ օրս չեն հուղարկավորել մարմիններն ու մասունքները:

«Մեծամասամբ չեն հավատում նույնականացման արդյունքներին։ Մերժելու տարբեր պատճառներ կան։ Հիմնական պատճառը չհավատալն է»։

Խոսնակի փոխանցմամբ՝ դի և մասունք չկա, որ փորձաքննության ենթարկված չլինեն, սակայն անցնում են նաև նույնականացման երկրորդ և երրորդ փուլ։

Ինչպես արդեն տեղեկացրել ենք, այսօր տելեգրամյան ալիքները տարածել էին, որ Աբովյանի տուբերկուլյոզի հիվանդանոցի դիահերձարանի հատակին այս պահին հարյուրավոր զինվորների մարմիններ են պահվում՝ պոլիէթիլենային տոպրակների մեջ փաթաթած: Ծնողները փորձել են մուտք գործել դիահերձարան, բայց ոստիկանները շրջափակել են մուտքը՝ ստելով, թե այնտեղ զինվորների մարմիններ չկան:

Քիչ անց՝ ՀՀ առողջապահության նախարարությունը հաստատել է, որ իրոք զինվորներին մարմիններ են պահվել, որ Աբովյանի «Դատաբժշկական գիտագործնական կենտրոնի» մասնաճյուղում։

ԱՆ պաշտոնապես հայտնում է, որ Աբովյանի «Դատաբժշկական գիտագործնական կենտրոնի» մասնաճյուղում փորձաքննված և նույնականացված մի քանի մասունքներ ու դիակներ, որոնք ժամանակավորապես պահվել են կենտրոնի ջերմամեկուսիչ պատերով նկուղային հարկում, հարազատները այլ վայր տեղափոխելու ցանկություն են հայտնել:

«Չնայած այն հանգամանքին, որ մասունքների տեղաշարժը նպատակահարմար չէ և դրանց պահման ներկա պայմանները համապատասխանում են մասնագիտական պահանջներին, այնուամենայնիվ, որոշել ենք ընդառաջել ծնողների ցանկությունն ու տեղափոխել այլ դատաբժշկական կենտրոնի սառնարանային հատված` զերծ պահելով հարազատներին լրացուցիչ ցնցումներից: Եվս մեկ անգամ նշում ենք, որ մասունքներն անցել են համապատասխան նույնականացում և սպասում են, որ հարազատները վերցնեն' հուղարկավորելու համար ԱՆ կողմից կկազմվի աշխատանքային խումբ, որը կուսումնասիրի Աբովյանի «Դատաբժշկական գիտագործնական կենտրոնի» աշխատանքների կազմակերպման հետ կապված հարցերը քննելու համար»,- ասված էր նախարարության հայտարարությունում։

Նազարյանը «Փաստինֆո»-ի հետ զրույցում հարցրեց՝ ինչո՞ւ զինծառայողների մարմինները մինչև այսօր չեն ամփոփվել մայր հողում։

Աղբյուր` Փաստինֆո