Փաստ ինֆո

Նիկոլ Փաշինյանն ու իր ոհմակը թաքցնում են զոհվածների իրական թիվը, նրանց մարմինները։ Երբ պատերազմի ժամանակ ես զորակոչվեցի բանակ, իսկ ես մասնագիտությամբ դատական բժիշկ եմ, ենթադրվում էր, որ ես պետք է գնամ ու մասնակցեմ դիահերձման աշխատանքներին, օգնեմ, որպեսզի հարազատներին մաքսիմալ շուտ հասնեն իրենց եղբայրների, որդիների դիակները, բայց ինձ չտարան այնտեղ։ Այս մասին ասուլիսի ժամանակ հայտարարեց ՀՀԿ փոխնախագահ Արմեն Աշոտյանը:

Աշոտյանը հայտնեց, որ պատերազմի չորրորդ օրն արդեն ինքը գիտեր, որ հայկական կողմը բազմաթիվ զոհեր ունի ու այդ զոհերի մարմինները պահվում են «Սպայկայի» սառնարաններում։

«Կորոնավիրուսից մահացած մարդկանց համար կար առանձին դիահերձարան, որը գտնվում էր Աբովյան քաղաքում, երբ ընտանեկան դժբախտություն ունեցանք, ես գնացի իմ հարազատի դիակը վերցնելու, այնտեղ ինձ ասացին, որ ամբողջ դիահերձարանը լցված է ոչ միայն կորոնավիրուսից մահացածների դիերով, այլև զինվորների աճյուններով, դա հոկտեմբերի 3-4-ն էր, պատերազմից ընդամենը մեկ շաբաթ էր անցել, ես չեմ զարմանում, որ այս վիժվածքները մինչև հիմա թաքցնում են մեր տղաների աճյունները, մասունքները»,-ասաց Աշոտյանը:

ՀՀԿ փոխնախագահի խոսքով՝ Նիկոլ Փաշինյանը գնում է «վա-բանկ».

«Նա Ալիևից ստացել է երաշխիքներ, որ մինչև ընտրարշավ սահմանին լուրջ միջադեպեր չեն լինելու, և կարծում ենք Նիկոլն արդեն ինչ-որ բան ստորագրել է: Այն փաստը, որ նա թողել է մեր երկրի խնդիրները, գերիները և ընկել է մարզերում հայալեզու թուրքական քարոզչություն է իրականացնում, վկայում է այն մասին, որ իր թիկունքն ամուր է, իսկ իր թիկունքին վաղուց կանգնած է ադրբեջանցի ժողովուրդը»,-ասաց Արմեն Աշոտյանը:

Աղբյուր` Փաստինֆո