Փաստ ինֆո

Կենտրոնական ընտրական հանձնաժողովն այսօր արտահերթ նիստ է հրավիրել։ Օրակարգում ընդգրկված է 18 հարց, որոնք վերաբերում են կուսակցությունների, կուսակցությունների դաշինքների կողմից ներկայացված փաստաթղթերի ուսումնասիրման ընթացքում հայտնաբերված խնդիրներին։

Օրակարգի հարցերի մեծ մասը վերաբերում էին արտահերթ խորհրդարանական ընտրություններին մասնակցող քաղաքական ուժերի կողմից ներկայացված փաստաթղթերում առկա բացթողումներին։

ԿԸՀ-ն որոշեց 48 ժամ ժամանակ տալ մի շարք քաղաքական ուժերի ներկայացրած փաստաթղթերը լրացնելու նպատակով։

Քաղաքական այդ ուժերն են «Ազատ Հայրենիք» կուսակցությունների դաշինք, «Պատիվ ունեմ» դաշինքը, «Շիրինյան Բաբաջանյան ժողովրդավարների» դաշինքը, «Արդար Հայաստան» կուսակցությունը, Հանրապետություն կուսակցություն, «Համահայկական ազգային պետականություն» կուսակցությունը, «Բարգավաճ Հայաստան կուսակցությունը, « Հայոց Հայրենիք» կուսակցությունը, «Ազգային օրակարգ» կուսակցությունը, Հայաստանի եվրոպական կուսակցությունը, «Քաղաքացու որոշում» սոցիալ-դեմոկրատական կուսակցությունը, Ազգային ժողովրդավարական բևեռ համահայկական կուսակցությունը, «Միասնական Հայրենիք» կուսակցությունը, «Լուսավոր Հայաստան» կուսակցությունը, «Ազատություն» կուսակցությունը, «Հայ ազգային կոնկրես» կուսակցությունը, «Ինքնիշխան Հայաստան» կուսակցությունը, Զարթոնք ազգային քրիստոենական կուսակցությունը, Հայաստանի դեմոկրատական կուսակցությունը։

Փաստաթղթերում առկա բացթողումները հիմնականում վերաբերում են որոշ թեկնածուների վերջին 4 տարին ՀՀ քաղաքացի լինելու և վերջին 4 տարվա ընթացքում ՀՀ-ում մշտապես բնակվելու տեղեկանքին։

ԿԸՀ նախագահ Տիգրան Մուկուչյանը հորդորեց բոլոր փաստաթղթերը ներկայացնել հնարավորինս արագ ժամկետներում։

Աղբյուր` Փաստինֆո