Փաստ ինֆո

Չնայած Հայաստանի սահմանամերձ մարզերի որոշ բնակավայրեր շարունակում է մնալ օկուպացված թշնամու երկրի զինվորների կողմից՝ Նիկոլ Փաշինյանը նախընտրական հանդիպումներ է ունենում ու շարունակում մեղադրել նախկիններին։ Ավելին այսօր նա արձագանքել է ՀՀ երկրորդ նախագահ Ռոբերտ Քոչարյանին։

«Ռոբերտ Քոչարյանն ասում է՝ վարչապետը եթե Թուրքիայի գործակալ լիներ, ուրիշ ի՞նչ է պետք է աներ, իսկ ես ասել եմ՝ եթե 1999 թ. Հայաստանի ղեկավարը լիներ Թուրքիայի հատուկ ծառայությունների ղեկավար, ուրիշ ի՞նչ պետք է տեղի ունենար, եթե ոչ հոկտեմբերի 27»,- ՔՊ-ականների հետ հանդիպմանը հայտարարել է Փաշինյանը ու ավելացրել. «Եթե Թուրքիայի գործակալ պետք է լիներ, ի՞նչ պետք է աներ, պետք է ԱԽ նիստ հրավիրեր, ասեր՝ եկեք Մեղրին տանք Ադրբեջանին, ու դրանից հետո Հայաստանում հոկտեմբերի 27 պետք է տեղի ունենար, եթե 1998թ-ին ՀՀ ղեկավարը Թուրքիայի գործակալ լիներ , ուրիշ ի՞նչ մեծ ծառայություն պետք է մատուցեր Թուրքիային և Ադրբեջանին, եթե ոչ Ղարաբաղին բանակցային սեղանից դուրս թողնելը»։

Անդրադառնալով նաև Սերժ Սարգսյանի հայտարարությանը, որ ինքը Ղարաբաղի հարցը լուծելու է, Փաշինյանը նշեց, որ իրենց պատկերացմամբ, այդ հարցը պետք է կարգավորվեր ԼՂ բնակչության ազատ կամարտահայտման հանրաքվեի միջոցով.

«Ես հարց բարձրացրի ԱԺ ամբիոնից՝ բա 1988 թ. ադրբեջանցի բնակչությունը բնակչությո՞ւն է, թե՞ ոչ: Եվ Հանրապետականները հայտարարեցին, որ, այո՛, նրանք էլ պետք է մասնակցեն հանրաքվեին, բայց ԽՍՀՄ տարիների չափաքանակով»,- ասաց Փաշինյանը:

Աղբյուր` Փաստինֆո