Փաստ ինֆո

ՀՀ ԶՈՒ օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Է. Ասրյանն այսօր բացառել է, որ մեր զինվորներն ինքնակամ հանձնվել են ու գերեւարվել։

«Գերեվարում՝ չի նշանակում, որ մեր զինծառայողները ձեռքերը բարձրացրել և հանձնվել են։ Գերեվարում լինում են տարբեր պայմաններում»,- այսօր տեղի ունեցած ասուլիսում հայտարարել է գեներալ-մայոր Է. Ասրյանը։

Ըստ նրա՝ մեր զինվորները կարող էին դիմակայել, բայց ուժերը եղել են անհամաչափ. Առանց զենքի առաջին տաս հոգուն դիմադրեն, երկրորդ 10-ին, 20-ին եւ 40։ «Չես կարող պայքարել նման քանակությամբ զինծառայողների դեմ»,- նշել է գեներալը ։ Առավել եւսէ զենք չկիրառելու հրաման։

Պատասխանելով հարցին, թե ինչպե՞ս է ստացվել, որ մեր զինվորները գերեւարվել են ուղեկցող զորքի առկայության պայմաններում՝ Ասրյանը պարզաբանել է, որ զինվորներն առաջամասում ինժեներական աշխատանքներ իրականացնելիս են եղել, իսկ ուղեկցման մասին չեն նշել։

«Խոսվել է միայն մարտական անմիջական խնդիր կատարող խմբի, աջակցման և կառավարման խմբերի մասին։ Աջակցման խումբը պետք է կրակ բացեր, որպեսզի մարտական խնդիր կատարող խումբը դուրս գար։ Վերջիններս նշված իրավիճակում գտնվում են 50-100 մետր՝ ոչ ավելի, հեռավորության վրա։ Դրա համար, եթե զենք չի կիրառվել, հակառակորդին չեն խոցել, ապա հակառակորդի մեծաքանակ ուժերի գործունեության արդյունքում խումբը միանգամից գերեվարվել է»։

Ասրյանը լիովին հավատացած է, որ գործողություններին ներգրավված զինծառայողները «ինքնուրույն» ձեռքերը վերեւ չէին արձրացնի ու հակառակորդին չէին հանձնվի, ստեղծվել է այդպիսի իրավիճակ։

Մանրամասները՝ տեսանյութում

Աղբյուր` Փաստինֆո