Փաստ ինֆո

Դուք ճանաչու՞մ եք երկու մարդու, որոնց միջև ընդհանրապես որևէ տարաձայնություն չլինի։ Անգամ զույգերի միջև երբեմն նման բաներ լինում են։ Չեմ կարծում, որ սա այն թեման է, որն արժանի է քննարկման։ Մենք գնում ենք մեր ճանապարհով, իրենք գնում են՝ իրենց ճանապարհով։ Սա ակնհայտ է բոլորի համար։ Այս մասին հրավիրված մամուլի ասուլիսին ասել է ՀՀ երկրորդ նախագահ Ռոբերտ Քոչարյանը՝ անդրադառնալով իր և ՀՀ երրորդ նախագահ Սերժ Սարգսյանի միջև տարաձայնությունների վերաբերյալ լուրերին։

«Այսօր տարբեր դաշինքներով ենք հանդես գալիս այս ընտրություններում, բայց չեմ կարծում, որ այսօր այդ թեման այն ակտուալ թեման է, որի շուրջ պետք է քննարկումներ ծավալենք»,- նշեց Ռոբերտ Քոչարյանը։

Քոչարյանի խոսքով՝ ընտրությունների ժամանակ բոլորը բոլորի հետ մրցակից են, բայց այս ընտրությունների հետ կան մասնակիցներ, որոնց հետ կան անհաղթահարելի տարաձայնություններ Հայաստանի ապագայի նկատմամբ, ներկայի, անվտանգության հարցերի նկատմամբ, ուստի՝ կան մրցակիցներ, որոնց հետ ուղղակի հնարավոր չէ որևէ համագործակցություն։

Մանրամասները՝ տեսանյութում

Աղբյուր` Փաստինֆո