Փաստ ինֆո

«Հակառուսական պորպագանդայի, թեզավորման տարափըմ որ այսօր շատ ուժեղ լցվում է հայկական տիրույթ, ստիպում է պարզապես հիշեցնել մի երկու տարրական բան, որի մասին հակառուսական թեզեր գեներացնողները մոռանում են»,- ԱԺ այսօրվա նիստում ասաց ԲՀԿ խմբակցության պատգամավոր Արման Աբովյանը։

Պատգամավորը նախ նշեց, որ չգիտես ինչու միտք է գցվում մարդկանց մեջ, թե, տեսեք, ռուսները չեկան ու չպաշտպանեցին կամ քայլեր կատարեցին, որոնք մեղմ էին ու չէին համապատասխանում պայմանագրային պարտավորություններին, սակիայն ըստ Աբովանի՝ դա այդպես չէ։

«ՌԴ-ն՝ լինելով ՀՀ ստրատեգիկ գործընկեր, շարժվում է առաջին հերթին ՀՀ իշխանության որոշումների ներքո։ Եթե իշխանությունը որոշում է, որ ներխուժած թուրքի դեմ կռվել պետք չէ, ինչ-որ մեկը հույսեր ունի, որ ռուսը պիտի ասի՝ չէ, մեկ ա, պիտի գնանք կռվե՞նք։ Իշխանությունը որոշել ա էս ճանապարհը, իրենք էլ ասում են՝ օքեյ, որոշել եք այս ճանապարհով գնաք, մենք էլ, լինելով ձեր գործընկեր, սատարում են էդ ձեր ընտրած ուղին»,- ասաց Աբովյանը։

Անդրադառնալով Ռուսաստանի ԱԳ փոխնախարարի հայտարարությանը՝ Ադրբեջանի՝ՀԱՊԿ անդմակցության մասին, Արման Աբովյանը մեջբերեց Ռուսենկոյի խոսքերը, որով հայտնում էր, որ Ուզբեկստանը կարող է անդամակցել և ՀԱՊԿ դռները բոլորի առջև բաց են։

«Այնտեղ նաև հարցի մեջ Ադրբեջանի անունն էր տրվել, նաև Ադրբեջանի համար։ Սակայն Ադրբեջանի հետ կապված մինչև դիվանագիտական հարաբերությունները չկարգավորվեն ՀՀ հետ, ՀԱՊԿ կանոնադրությունն արգելում է, որ Ադրբեջանը մտնի։ Հիմա ստացվում է այն, որ այդ մարդն ասում է՝ եթե Հայաստանն Ադրբեջանի հետ հարաբերությունները բարելավեց, ուրեմն Ադրբեջանը կարող է հայտ ներկայացնի։ Շատ պարզ ու հստակ պատասխան էր, և առհասարակ այդ բոլոր գործընթացների շուրջ գեներացնել տրամադրություններ, որոնք վտանգում են մեր ռազմավարական գործընկերոջ հետ հարաբերությունները, այս պարագայում դուք պարզապես ձեզ հարց տվեք՝ ո՞ւմ է ձեռնտու»։

Աղբյուր` Փաստինֆո