Փաստ ինֆո

Չպետք է տպավորություն թողնել, որ քեզ հետ կարելի է նման ձևով վարվել։ Եթե դու քո քայլերով, քո քաղաքականությամբ, քո հայտարարություններով այդպիսի տպավորություն ես թողնում, ստեղծված իրավիճակում անընդհատ մնալու ես նման կարգավիճակներում։ Այս մասին հրավիրված մամուլի ասուլիսին հայտարարել է ՀՀ երկրորդ նախագահ Ռոբերտ Քոչարյանը՝ անդրադառնալով հանգամանքին, որ արդեն երկրորդ շաբաթն է, ինչ ադրբեջանական զորքը գտնվում է Գեղարքունիքի և Սյունիքի տարածքում։ 

«Քանի դեռ նրանք սպասելիքներ ունեն ՀՀ-ից՝ որոշ հարցերի շուրջ լրացուցիչ զիջումների, ապա նման լարվածության օջախներ են ստեղծելու, լրացուցիչ ճնշում գործադրելու, իրենց նպատակներին հասնելու համար։ Սա է իրավիճակը։ ՀՀ-ն պետք է ցույց տա, որ նման կարգի ճնշումներին չի ենթարկվելու, ինչն այսօր ընդհանրապես չի երևում։ Այո, հնարավոր է և առաջին հերթին պետք է բանակցային ճանապարհով խնդիրը լուծել, բայց Ռուսաստանի միջնորդությամբ, որովհետև այս հարցը հիմա լուծում ստանա, վաղը մյուս օրը մեկ այլ խնդիր լուծելու համար նմանատիպ խնդիր է ստեղծվելու սահմանի մեկ այլ հատվածում »,- նշել է Ռոբերտ Քոչարյանը։

Մանրամասները՝ տեսանյութում։

Աղբյուր` Փաստինֆո