Փաստ ինֆո

Հայաստանի Մոնտեսսորի Ասոցիացիայի նախաձեռնությամբ այսօր տեղի է ունեցել է կոնֆերանս` նվիրված «Վիլլա Մոնտեսսորի» կենտրոնի մանկավարժական մեթոդաբանությանը, երեխաների տարիքային առանձնահատկություններին:

«Վիլլա Մոնտեսսորի» կենտրոնի հիմնադիրն ու Հայաստանի Մոնտեսսորի Ասոցիացիայի նախագահը Նոնա Վանեցյանը լրագրողների հետ զրույցում նշել է, որ «Մոնթեսորի» մեթոդաբանության մեջ հիմնական շեշտը դնում են այն բանի վրա, որ երեխան անկախ է։ Վերջինս ինքը պետք է որոշի, թե ինչ գիտելիք է ուզում ձեռք բերել։

«Մենք պարզապես երեխաներին ուղղորդում ենք եւ տալիս ենք գիտելիքներ ստանալու հնարավորություններ։ Մեր մեթոդի, խաղալիքների միջոցով երեխաները խաղալով ստանում են գիտելիքներ եւ հմտություններ։ Մանկապարտեզը ավարտելիս նրանք ընդունվում են ամենալավ դպրոցները եւ գիտելիքով լի գնում են դպրոց»,- արձանագրել է տիկին Վանեցյանը` նշելով, որ պատրաստ է օգնել բոլոր նրանց, որոնք ցանկություն կունենան Հայաստանում մանկապարտեզներ բացել:

Կոնֆերանսի ժամանակ Ն.Վանեցյանը պատմել է, որ ավագ որդին հաճախել է շատ լավ պետական մանկապարտեզ, որտեղ սովորել և ստացել է շատ լավ գիտելիքներ, բայց էլ ավելին ուզելու համար փորձել է ստեղծել մանկական կենտրոն: «Ամենագլխավոր պատճառն այն է, որ ուզում էի այնտեղ տեսնել երջանիկ երեխա, երեխա, որն ուզում է գալ մանկապարտեզ և չի ուզում գնալ տուն, կամ գնալով ուրախ է, որ հաջորդ օրը վերադառնալու է: Այս մեթոդաբանությունն ինձ շատ օգնեց այդ երևույթը տեսնելու համար: Մեր երեխաները, երբ առավոտյան գալիս են, երբ իրենց դիմավորում են իրենց մանկավարժները, երևի 50-ից 1-ն է գուցե մի քիչ հուզված, տխուր, այն էլ միայն նրա համար, որ նոր է ընդունվել: Մեծ մասամբ նրանք երեկոյան արդեն խնդրում են մի քիչ ավելի մնալ, ծնողներին սպասեցնում են»,- ասել է նա:

Կոնֆերանսին դասախոսություններով հանդես եկան նաեւ հրավիրված` օտարերկրյա փորձագետները: Մանկավարժական գիտությունների դոկտոր, պրոֆեսոր, Մոնտեսսորի-ուսուցիչ Կոնստանտին Սումնիտելին, ներկայացնելով Ֆիզիոլոգիայի ինստիտուտի անցկացրած ուսումնասիրության արդյունքները, նշել է, որ մասնավորապես Ռուսաստանում նկատվում է երեխայի ուղեղի զարգացման դանդաղում:

«Եթե նախկինում մոտ 6 տարեկանում ուղեղը ձևավորված էր, պատրաստ էր հաջորդ էտապ անցնելուն, հիմա հետ է ընկել 1 տարով: Բավականին շատ է: Սա նշանակում է, որ երեխային, 6 տարեկանում տանելով դպրոց, որտեղ պայմանները լրիվ այլ են, բախվում են խնդրի՝ երեխան ֆիզիլոգիապես պատրաստ չէ դրան:

Բացի այդ՝ շատ երեխաներ իրենց անթրոպոլոգիական դիրքով, պարամետերով չեն հասնում տարիքային նորմերին»,- նշել է մասնագետը: Ավելին, մասնագետն արձանագրել է նաեւ դարի «հիվանդությունը». Երեխաները նախընտրում են հասկակիցների հետ շփվել համացանցով, քան հանդիպել և զրուցել: Սա գնալով խորանում է: Նրա փոխանցմամբ`«Մոնտեսսորի» կենտրոնի գործունեության համար ընտրված է իտալացի բժիշկ, հոգեբան, մանակավարժ Մարիա Մոնտեսսորիի մեթոդաբանությունը, որն ընդգրկում է երեխայի անհատականության բոլոր կողմերը: Այն ներառում է երեխայի զգացմունքային, խոսակցական և ինտելեկտուալ զարգացումները:

Այսօրվա կոնֆերանսին հրավիրվել եվ մասնակցում էին նաեւ պետական մանկապարտեզների մանկավարժները:

«Գտնում եմ, որ մեր և ձեր աշխատանքն է, որ այսօր Հայաստանում տալիս է լավ արդյունք, որովհետև մեր և ձեր աշխատանքն է, որ ունի մեթոդաբանություն: Երեխայի կյանքում կարևորը կայունությունն է, երբ գիտի՝ այսօր եկել է, ինչ է իր հետ տեղի ունենալու, մինչև վերջ ինչ է լինելու, որ ժամին է քնելու, որ ժամին է ուտելու», - նշել է տիկին Վանեցյանն ու, դիմելով պետական մանկապարտեզներ մանկավարժներին, ավելացրել. «Կա մի բան, որը Մոնտեսսորին ներդրել. մի ուրիշ ձև շփվել երխայի հետ, մի ուրիշ բան առաջարկել նրան, որ նա ավելի բավարարված իրեն զգա, ավելի կարևոր իրեն զգա, հասկանա, որ կարող է որոշել: Դա դժվար չէ իրականացնել պետական մանկապարտեզներում, սիրով պատրաստ եմ համագործակցել բոլոր մանկապարտեզների հետ, բացատրել այն գիտելիքը, որը ստացել ենք»:

Աղբյուր` Փաստինֆո