Փաստ ինֆո

«Դեմ ենք դավաճան Նիկոլին ու նրա ստորագրած և ստորագրվելիք ազգադավ բոլոր փաստաթղթերին, նա վայրկյան առաջ պետք է հեռանա»,- նման պահանջով բողոքի ակցիա է տեղի ունեցել Լոս Անջելեսում Հայաստանի գլխավոր Հյուպատոսության մոտ։ Մասնակիցները հայտարարել են, որ ամեն օր հավաքվելու են նույն վայրում, որովհետև տագնապած են հայրենիքում տեղի ունեցող իրադարձություններով, մտահոգվել են նաև երրորդ փաստաթղթի ստորագրման լուրից։ Ամերիկահայերը հայտարարում են, որ դեմ են Նիկոլ Փաշինյանին և նրա ստորագրած համաձայնագրերին և որ վերջինս լեգիտիմություն չունի։ 

«Մեր նպատակն է թուրք Նիկոլին վայրկյան առաջ էդ իր լղոզված աթոռից հանենք, քանի որ ինքը չի կարողանում մեր հողերը ու սահմանները պաշտպանի, չի կարողանում անի այն, ինչ ազգն է ուզում։ Թող ինքը գնա ու գա մեկը, ով կպաշտպանի մեր սահմանները»։
Ամերիկահայերը կոչ են անում բոլորին հավաքվել ու բողոքի ձայն բարձրացնել, քանի դեռ հայրենիքը չեն կորցրել, իսկ ՀՀ-ում գտնվողներին կոչ են անում բռունցք դառնալ, սև ու սպիտակի չբաժանվել։

«Մարդիկ կան ասում են՝ Նիկոլին ենք ընտրելու և այսպիսի ազգադավ, թուրքի արյունով, հայի անունով մարդիկ են մեղավոր, որ կորցնում ենք մեր հայրենիքը։ Իրենք են թև տալիս ազգադավ Նիկոլին, որ այսօր մենք մեր հայրենիքը կորցնում ենք։ Ուշքի եկեք, աչքներդ բացեք՝ վաղը Երևան են մտնում, ո՞ւմ եք սպասում՝ թուրքը մեր թշնամին է, թուրքերի հետ կյանքում ախպերություն չեք կարող անել»,- ասաց ակցիայի մասնակիցներից մեկը նշելով, որ իր կուսակցության անունը հայ է, կրոնը՝ քրիստոնեությունը։

Աղբյուր` Փաստինֆո