Փաստ ինֆո

Թող բոլորն իրենց ջանքերով այնպես անեն, որ մեր երկրում խաղաղություն լինի և ոչ մի զինվորի մազը չծռվի։ Լրագրողների հետ զրույցի ժամանակ այս մասին ասաց բռնցքամարտիկ Արթուր Աբրահամը, ով անցնում էր Հանրապետության հրապարակի տարածքով, որտեղ այս պահին ակցիա է իրականացվում։ 

«Թե ինչպես դա կլուծվի, թող քաղաքական գործիչները որոշեն»,-նշեց բռնցքամարտիկը։

Հարցին՝ արդյոք պարտվողի հոգեբանությունը մարզիկների վրա տարածվում է, թե ոչ, Արթուր Աբրահամը նկատեց՝ պարտվողը պետք է ավելի ուժեղ հետ գա. «Ճիշտ է՝ լինում են դեպքեր, որ կյանքում պարտվում ես, բայց պետք է փորձես կրկնակի ուժեղ հետ գալ։ Դա է ամենակարևորը»,-ասաց Արթուր Աբրահամը։

Վերջինս նկատեց՝ բոլոր ազգերում էլ խնդիրներ կան, բայց հայ ազգը միշտ համախմբված է, հարգանքով և երբ որևէ խնդիր է լինում, ազգը միանգամից հավաքվում է. «Քաղաքականությունից չեմ ուզում խոսել, մարզիկ եմ և քաղաքականությունից չեմ հասկանում, իրավունք չունեմ քաղաքականությունից զրուցել»,-ասաց բռնցքամարտը։

Արթուր Աբրահամն ընդգծեց՝ հետևում է նորություններին և ցանկանում, որ այն, ինչ մերն է մեզ մնա։

Աղբյուր` Փաստինֆո