Փաստ ինֆո

Հայ ժողովրդի համար ճակատագրական որոշումները կայացվում են ժողովրդից գաղտնի, նույնիսկ այն գերատեսչությունները, որոնք պարտավոր էին հայտարարությունների կամ կայացրած որոշումների մասին տեղյակ լինեին, իրականում տեղյակ չէին: ԱԺ-ում ելույթի ժամանակ ասաց պատգամավոր Աննա Գրիգորյանը.

«Ինչու՞ է ժողովրդի մեջքի հետևում կնքվում հերթական ոչ հայանպաստ փաստաթուղթը, այդպիսի փաստաթուղթ կնքվել է նոյեմբերի 9-ին, հունվարի 11-ին և դեկտեմբերի 18-ին, երբ Կապան-Գորիս, Կապան-Ճակատեն ավտոճանապարհները տրվել են նաև Ադրբեջանի վերահսկողության ներքո, ինչը մինչ այսօր պատկան մարմինները չեն հաստատաում: Եթե այս փաստաթուղթը հարյուր տոկոսով մեր ազգային շահերի կողմ է, ինչո՞ւ մինչ այժմ չէր ստորագրվում, այն կնքվում է հիմա, երբ մեր սուվերեն տարածք են ներխուժել ադրբեջանական զինված ուժերը, սա պարտադրված փաստաթուղթ է, ինչպես ինչպիսին նոյեմբերի 9-ի համաձայնագիրը, եկեք իլյուզիաների չտրվենք»,-ասաց պատգամավորը:

Աննա Գրիգորյանը անդրադարձավ հրապարակում քաղաքացիների ընդվզմանը և ասաց. «Սիրելի ժողովուրդ, փորձում են տպավորություն ստեղծել, որ մենք անտարբեր ենք մեր հողի նկատմամբ, մենք պետք է ատամներով պահենք այդ հողը, և հենց այսօր պետք է պայքարենք՝ սկսելով չընդունել այդ փաստաթուղթը»:

Աղբյուր` Փաստինֆո