Փաստ ինֆո

Քչերն են նկատել, թե ինչպես ենք մենք մերժել մեր անցյալը. Այն կորավ այն ամենի համատարած ժխտման մեջ, ինչ կար՝ Արցախյան պատերազմի հերոսներից մինչև պատմական հիշողություն։ Այս մասին Սուրբ Աթոռում ՀՀ նախկին դեսպան Միքայել Մինասյանը գրում է Տելեգրամ ալիքում:

«Մենք կորցրեցինք ներկան։ Այն ավազի պես հոսեց Արցախում զոհվածների մատների արանքով։

Բայց ամենասարսափելին այն է, որ մեզնից հիմա խլում են ապագան։ Մտածեք. առանց ապագայի, առանց հույսի՝ միակ ելքը ինքնասպանությունն է: Այն, ինչ մենք Նիկոլի ղեկավարության ներքո ենք անում։

Հայաստանի պատմության մեջ առաջին անգամ այս ընտրություններում ընտրողը գիտի ամեն ինչ։ Բառացիորեն՝ ամեն ինչ: Գիտի բոլորի ունակությունների, արժանիքների եւ թերությունների մասին: Գիտի նրանց մտադրությունների մասին, գիտի թիմերի մասին: Այդ մարդկանց կառավարման արդյունքները դուք հասցրել եք զգալ ձեր մաշկի վրա։ Սա ընտրություններ են, որոնց ժամանակ հնարավոր չի լինի ստել։

Նիկոլը հույս ունի, որ օգտագործելով վարչական ռեսուրսը, օլիգարխիկ փողերը և քրեական հեղինակությունները, կկարողանա ապահովել մեր ինքնասպանությունը շարունակելու հնարավորությունը։ Եվ դրա համար նրան անհրաժեշտ են էֆեկտիվ օգնականներ։

Օմեգա Միրզոյանը ուսապարկերի բավարար արդյունավետ տիրակալ չեղավ, և այդ համեղ պատառն արդեն խոստացվել է Ալեն Սիմոնյանին։

Մեր քաղաքը ձախողած խեղկատակ Հայկ Մարությանը նույնպես ուտիլիզացվեց։ Նրա տեղը կզբաղեցնի հավերժ գող ու կաշառակեր Գռզոն։

Իր հիվանդ երևակայության մեջ Նիկոլն արդեն հաղթել է։ Նա նախատեսում է Երևանի ավագանու արտահերթ ընտրություններ կես տարի անց: Նա երեկ երեկոյան գոհունակությամբ է նայել կառավարության շենքի բակում եզրաքարի վրա գլուխը բռնած նստած Օմեգա գործակալին։

Եվ մտածում էի, թե ինչպես խլել ապագան մեր երեխաներից»,- գրել է Մինասյանը։

Աղբյուր` Փաստինֆո