Փաստ ինֆո

«Թշնամու զորքը մտել է Հայաստանի սուվերեն տարածք․ Դրան որևէ կերպ խոչընդոտում չի եղել։ Ո՞ւր է քո սահմանապահ զորքը, ո՞ւր է քո բանակը, ո՞ւր են հրաժարականի տարափները, ո՞ւր են Պաշտպանության նախարարի, ԳՇ պետի ու ԱԱԾ տնօրենի նկատմամբ քրեական գործերը»,- Antinikol շարժման բաց քննարկման ընթացքում հայտարարեց «Քառյակ մեդիայի» համահիմնադիր, վերլուծաբան Կարեն Բեքարյանը՝ հավելելով, որ քանի դեռ ներկա իշխանություններն են երկիրը ղեկավարում, այսպես է լինելու, ավելի վատ է լինելու, «ավելի բեթար է լինելու, չի կանգնելու խնդիրը»։

Բեքարյանը նշեց, որ իշխանությունների նպատակի մեջ չկա ՀՀ-ն, ժողովուրդը, ուստի հայտնվել ենք թակարդում։

«ՀՀ իշխանությունը չի ծառայում ՀՀ շահերին, փոխարենը ծառայում է այլ շահերին»։

Ըստ նրա` խնդրում մի շարք շահեր կան՝ ռուսական, արևմտյան, թուրքական, ադրբեջանական, Նիկոլ Փաշինյանի և նրա ընտանիքի, իմքայլականների, ՀՀ և Արցախի շահեր, որոնք պետք է հիմք հանդիսանան հետագա վերլուծությունների, հարցի լուծման պլանավորման համար։

Գալով անելիքներին՝ Բեքարյանը նկատեց, ոչ իշխանությյան ժամ շուտ հեռացումն է առաջնայինը, իսկ ընտրությունների հարցը իրավիճակի հանգուցալուծում չէր: Փոխարենը թշնամին ՀՀ սուվերեն տարածքում է և դուրս չի գալիս, որևէ մեկը վստահ չէ, որ մինչև ընտրությունները՝ թշնամին ավելի առաջխաղացում չի ունենալու։

Պետական համակարգում աշխատող համաքաղաքացիներին դիմելով, Բեքարյանը նշեց, որ անհնար է, որ նրանք չգիտակցեն, որ այսքան ժամանակ չեն ծառայում պետությանը։

«Պետական աշխատողների և պաշտոն զբաղեցնողների համար պետք է ինչ որ վերջնաժամկետ սահմանվի և շատ կարճ՝ 48 կամ 72 ժամ, որ եթե դուք հայտարարությամբ հանդես չեք գալիս ու չեք լքում դահիճների խմբակը, ցանկացած հաջորդ եկող իշխանություն պետք է հոգա, որ դուք հանցավոր անգործության կամ գործունեության հոդվածով հայտնվեք համատպատասխան վայրերում»։

Հիշեցնենք, որ տեղի է ունենում «Նիկովիդ-18. ախտորոշում և բուժում» խորագիրը կրող քննարկումը, որին մասնակցում են քաղաքական, հասարակական գործիչներ, իրավաբաններ, ռազմական փորձագետներ, լրագրողներ։

Աղբյուր` Փաստինֆո