Փաստ ինֆո

Անվտանգության հարցերը մեր երկրում առաջնահերթ են և այն, ինչ կատարվում է Հայաստանի սահմաններում դա առնվազն այս իշխանությունների կողմից դավաճանություն է: Այս մասին լրագրողների հետ զրույցում ասաց ՀՀ երրորդ նախագահ Սերժ Սարգսյանի փաստաբան Ամրամ Մակինյանը:

«Ինչ է նշանակում թշնամի երկրի զինվորները 5-6 կմ ներխուժել է ՀՀ տարածք, իսկ իրենց հետ ինչ-որ բանակցություններ են վարում: Իսկ որտեղ են Հայաստանի Հանրապետության անվտանգության երաշխավորներները, որտեղ է Գերագույն Գլխավոր հրամանատարը: Մենք պետք է լրջանանք և գիտակցենք, թե այս մարդիկ ուր են տանում երկիրը»,-նշեց ՀՀ երրորդ նախագահի փաստաբանը։ 

Նրա համոզմամբ, իշխանությունները պետք է հեռանան և զբաղվեն իրենց խնդիրներով, որպեսզի հնարավոր լինի ապրել անվտանգ երկրում, միաժամանակ հիշեցնելով, որ մեր աշխարհաքաղաքական դիրքով, մենք առնվազն երկու կողմից թշնամիներով ենք շրջապատված։ 

«Եթե ադրբեջանցիները դեռ չեն հասել Ավան և Նոր Նորք վարչական դատարանը, դա չի նշանակում, որ իրենք չեն հասնելու: Հասնելու են: Այս մարդիկ պետք է հասկանան, որ դա «Հայկական ժամանակը» չէ, սա 21-րդ դարն է իր մարտահրավերներով և գեոպոլիտիկ խնդիրներով»,- եզրափակեց Մակինյանը: 

Աղբյուր` Փաստինֆո