Փաստ ինֆո

ԱԺ «Իմ քայլը» խմբակցության պատգամավոր, ԵԿՄ վարչության նախագահ Սասուն Միքայելյանը Սյունիքում ստեղծված իրավիճակի կապակցությամբ հրավիրված ԱԺ արտահերթ նիստին տեղեկացրեց, որ քաջատեղյակ է՝ ինչ է կատարվում սահմաններին, բայց իրեն իրավունք չի վերապահի որևէ բան ասել։

«Եթե մարտական գործողությունների ընթացքում վերցվեր դիրքերը, հասկանալի կլիներ։ Սև լիճի տարածքում ձյուն էր, ձմեռ էր։  Եթե ՊՆ-ն թերացել է, այդտեղ դիրքեր չի դրել, դա ուրիշ խնդիր է, եթե չի կարացել դնի, ուրիշ խնդիր է։ Իրենք էլ չեն կարողացել մինչև էդտեղ գան։ էսօր հնարավորություն է ստեղծվել, եկել են, մարտական գործողություններ չեն ընթացել, ընդամենը եկել նստել են։ Հիմա իմ կարծիքով խելոք լինենք, եռակողմանի հանձնաժողով ստեղծվի»։

Միքայելյանի խոսքով, դիմել է ՀՀ ՊՆ և ԳՇ, որպեսզի երկրապահ կամավորները սահմանին հսկողություն իրականացնեն, սակայն մերժվել է դիմումը։
Միքայելյանը պատգամավորներից ներողութուն խնդրեց, ասելով, թե ինքը չի հասկանում, թե ինչ հավաք է, անուամենայնիվ պատասխանեց գործընկերների հայտարարություններին։

«Կուրծք են ծեծում՝ Ամերիկա, Եվրոպա, Ռուսաստան։ Պատերազմի ժամանակ երեք անգամ հրադադար հայտարարվեց և այդ պետությունները չկանգնեցրին պատերազմը՝ բառիս բուն իմաստով։ Եթե ուզենային կանգնեցնել, կկանգներ պատերազմը։ Էս նենց հարցա, որ եկելա ժամանակ ու այսօր մենք սաղ օրը գոռում ենք ամերիկամետ են, կեսը եվրոպամետա, մյուսը ռուսաստանամետ ա։ Ես հայամետ եմ, զինվոր եմ՝ սովորական գյուղացի տղա՝ զենք եմ վերցել կռվել եմ։ Չգովամ, գիտեք անցած ուղիս։ Էսօր մեզ ներքին կայունություն և համախմբվածություն է պետք։ Այսօր մենք ասում ենք թուրքը եկել հասելա Սյունիք, հելել ենք իրար ենք քննադատում։ Ռսի ասած՝ «после разберём»։ Եկեք համախմբված էս արհավիրքի դեմն առնենք»։

Միքայելյանը նշեց, որ 44-օրյա պատերազմում, երբ հերոսների միս ու արյունն էր թափվում, ՀՀ-ին որոշակի չափով օգնել է Ռուսաստանը. «Էսօր մենք մեր աշխարհագրական դիրքից ելնելով՝ խոսքի իրավունք չունենք քննադատենք Ռուսաստանին, որովհետև ուրիշ տարբերակ չունենք, եկեք չբզբզանք, ունքի տեղն աչքն էլ չհանենք։

Միքայելյանը նշեց, որ չնայած ՀՀ-ն պաշտոնապես դիմել է ՀԱՊԿ-ին, դա չի նշանակում, որ պետք է ոչինչ չանենք և սպասենք, մինչև ՀԱՊԿ-ը կօգնի։

Աղբյուր` Փաստինֆո