Փաստ ինֆո

Արցախյան առաջին պատերազմից հետո միջազգային հանրությունը կոչ էր անում, որ մենք վերահաստատենք տարածաշրջանում խաղաղությունը։ Այս կոչերը Արցախյան երկրորդ պատերազմից հետո ավելի սաստկացան, բայց այն, ինչ կատարվում է այսօր Սյունիքում՝ Ադրբեջանի կողմից սադրիչ գործողությունները, վառ ապացույցն են այն բանի, թե ով է խախտում տարածաշրջանում խաղաղությունը և անվտանգությունը։ Այս մասին ԱԺ-ում հայտարարեց «Լուսավոր Հայաստան» խմբակցության պատգամավոր Անի Սամսոնյանը։

«Մեր միջազգային գործընկերների կողմից, այդ թվում՝ բարեկամական գործընկերների կողմից, տեսնում ենք այս օրերին հայտարարություններ, որոնցով կոչ են անում, որ երկու կողմն էլ ցուցաբերեն զսպվածություն, բայց սա Արցախյան կոնֆլիկտի հարցը չէ, որ մեզ վրա կրակեն, մենք պատասխան կրակ բացենք և այդ կողմերը երկու կողմերին էլ կոչ անեն զսպվածության։ Սա կոնկրետ դեպք է, երբ ՀՀ միջազգային իրավունքով պաշտպանված տարածքային ամբողջականության դեմ կատարվել է ոտնձգություն »,- նշեց Սամսոնյանը՝ հավելելով, որ դատապարտումը պետք է լինի հասցեական։

Նրա խոսքով՝ այս միջադեպը ցույց է տալիս, որ ունենք սահմանների պաշտպանության խնդիր և պետք է շատ արագ ներդնենք արդյունավետ պաշտպանության կառուցակարգեր, որ նման դեպքերը չկրկնվեն։ Սամսոնյանը վստահ է, որ սա Ադրբեջանի կողմից առաջին և վերջին դեպքը չի լինելու, պետք է մեր պաշտպանությունը մենք պետք է վերցնենք մեր ձեռքերում, որ չստացվի այնպես, որ Ադրբեջանը գա և տեղակայվի մեր սահմանների ներսում, մենք նոր որոշենք, թե ինչպես նրանք դուրս գան, չպետք է թողնենք, որ գան։

«Եթե մեկ անգամ թույլ տվեցինք, որ Ադրբեջանը մարսի, ուրեմն Ադրբեջանն այս գործողություններին դիմելու է ավելի շատ և ավելի հաճախ և մենք այլևս չենք կարողանա պաշտպանել սահմանները»,- նշեց Սամսոնյանը։

Մանրամասները՝ տեսանյութում

Աղբյուր` Փաստինֆո