Փաստ ինֆո

Արդեն երրորդ օրն է՝ թշնամին 3 կմ-ով ՀՀ պետական սահմանից ներսում է, տեղակայված է Սյունիքի մարզի Վերիշեն գյուղին մոտ։ Վերիշեն գյուղի բնակիչներն առաջինն են իմացել թշնամու առաջխաղացման մասին։ Ադրբեջանական զինվորականները զենքի ցուցադրումով սպառնացել են Վերիշենի հովիվին, առաջացել են մի քանի կիլոմետր քաղաքացիական բնակավայրերի ուղղությամբ և տեղակայվել։

Գյուղի բնակիչներն այսօր արդեն խուճապ են զգում, ասում են՝ անուշադրության են մատնվել։

«Ամեն դեպքում խուճապը կա, բայց մեզնից կախված ոչ մի բան չկա, ղեկավարությունը պիտի ամեն ինչ անի։ Ահ ու սարսափի մեջ ապրում ենք։ Պոստեր պետք է դնեին, որ պոստեր դնեին՝ չէին էլ գա։ Դե հիմա ժողովուրդն անուշադրության է մատված, ով ինչ ուզում՝ անում է»։

Վերիշենցիներն ասում են՝ պետականություն այս պահին գրեթե չունենք, իսկ եթե իշխաություն լիներ, և բանակը տեղում կլիներ, իսկ սահմանը խախտած մեծաթիվ ադրբեջանցիներին գերի կվերցնեին։

Բնակիչներից մեկն էլ ահազանգեց՝ կարող է փոխհրաձգություն լինի, ու դրա համար էլ իրենք վախենում ենք, բոլորին հուզում է մի հարց՝ եթե իրենք պաշտպանված չեն՝ ինչով է ավարտվելու սահմանային հարցերը։

«Էս ժողովրդին անտեղի գցել են գելերի առաջ։ ժողովրդին մատնում են, մարալնի տանում, գցում գելի առաջ։ Դիտավորություն եմ տեսնում, որովհետև մեր արյան գնով վերցրած հողերը տալիս են։ Դու որ ղեկավար ես՝ ինչի՞ ես դաբիցա լինում՝ քո գրպանի՞ համար։ Մենք մատնված ենք կործանման, ափսոս էս ժողովուրդը, որ էդ ձևի ոչխար ղեկավարություն ունի»,- ասաց գյուղացիներից մեկը։

Վերիշենցիները ստեղծված իրավիճակից ելքը տեսնում են հայրենասերների իշխանության գալով, իսկ պատերազմում պարտված, սեփական ժողովրդի վրա թքած ունեցող իշպանությունը եթե մնա, ավելի վատ բաներ կկատարվեն։

«Ոնց տեսնում եք՝ Երևանում հօգուտ Սյունիքի մարզի որոշում չի կայացվում»։
Հիշեցնենք, որ մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքում։ Ադրբեջանական զինվորականները հայտնվել են Սև լճի տարածքում, ու այդ տարածքից դեպի ՀՀ

Սյունիքի մարզի քաղաքացիական բնակավայրեր ընկած հատվածում:

Ադրբեջանցիները մոտ 3 կմ մտել են ՀՀ պետական սահմանից ներս` շարժվելով Վերիշեն գյուղի ուղղությամբ ու վերահսկողության տակ վերցնելով Սև լիճը։

Աղբյուր` Փաստինֆո