Փաստ ինֆո

Տեւական ժամանակ չէի հասկանում թե ինչու, ասենք, իմ ֆեյսբուքյան գրառումները այս կամ այն օրենսդրական նախաձեռնության, Հայաստանի կրթական համակարգի, նարդու ֆեդերացիայի եւ Հայաստան ներկրվող կոսմետիկայի որակի մասին էդպես ահավոր ջղայնացնում էին Hiya Cosh-ին հեռավոր Բանգալորից, Jahid Hasan-ին նույնքան հեռավոր Վիջայավադայից, Munsi Ryaj-ին Ահմադաբադից, Dibar Uddin-ին Նագապուրից, ինչպես նաեւ՝ Բանգլադեշի, Սոմալիի եւ Աֆրիկյան ու Ասիական մայրցամաքի մեր մյուս գլոբալիստ համամոլորակցիներին, ովքեր իմ յուրաքանչյուր գրառման տակ «ջղայնիկ» էին դնում,- ֆեյսբուքյան իր էջում գրում է «Բարգավաճ Հայաստան» խմբակցության պատգամավոր Նաիրա Զոհրաբյանը։ 

«Մտածում էի՝ երեւի խորը կոսմոպոլիտ ու գլոբալիստ են, այսպես ասած՝ աշխարհի քաղաքացի եւ շատ են ուզում, որ Հայաստանում «Գնումների մասին» օրենքում սողանցքներ չլինեն։

Բայց հիմա մի թեթեւ լորիսություն անեմ ու դիմեմ ՀՀ կառավարությանը։ Պարոն կառավարություն, էս ձեր ֆեյքերի ՊՈԱԿ-ը լրիվ իրան տվել անցել ա, լավ չեն աշխատում, հեչ լավ չեն աշխատում։ Կարա՞ն չէ, օրինակ, հայկական ավանդական ատրիբուտիկայով, ազգային-ազատագրական ֆեյքեր բացեն, ինչպես արել են մշտապես, վերցնեն ոչ թե հնդիկ ու բանգլադեշցի մեր համամոլորակցիների պրոֆիլները, այլ գողանան վրացիների, հույների, իսպանացիների, իտալաիցների պրոֆլիները, սեփականաշնորհեն նրանց ընտանեկան վիդեոները, բանակի քեֆի, կնունքի, հարսանիքի, հորքուրի պանիխիդայի նկարները, որ շարքային հայ ֆեյսբուքիստը տեսնի ու ասի՝ «դե, իրական մարդիկ են էլի, ֆեյքեր չեն, տեսեք, դաժե սպորտզալից վիդեո են քցել»։ Կարա՞ն չէ էդ հսկայական գումարների դիմաց, որ ստանում են մեր՝ հարկատուներիս հաշվին, մի քիչ ավելի սրտացավ վերաբերվեն իրենց վստահված բարձր ու վեհ առաքելությանը։

Ի վերջո, մեր համամոլորակից Dibar-ը հո պարտավո՞ր չի ամեն օր մտնի հայաստանյան ընդդիմադիր գործիչների ֆեյսբուքյան էջեր ու առավոտից սթրեսի ենթարկվի։

Իրենց երկրներում էլ չէ՞ հազար ու մի պրոբլեմ կա։ Հնդկաստանի Քաշմիր քաղաքում ձերբակալեցին Պակիստանի երեք քաղաքացու՝ մեղադրելով շպիոնաժի մեջ, իսկ Բանգլադեշում ընդհանրապես չեն դադարում վերջին կոռուպցիոն սկանդալների հետ կապված բացահայտումները։

Հիմա մեր սիրելի Dibar-ն ու Munsi-ը հո հազար կտոր չե՞ն լինելու։

Ուստիեւ՝ առաջարկում եմ ֆեյքաբուծարանի պրեմյաները կտրել եւ արժանահավատ ֆեյքերի արտադրության բաց մրցույթ հայտարարել՝ բնականաբար, ՀՀ «Գնումների մասին» օրենքի տառին համապատասխան։

Հ. Գ. Եվ վերջում, հնդկերենով դիմում եմ մեր հնդիկ եղբայրներին.

«भाईचारे का भारतीय लोगों की गरिमा अपमान जो लोग, आप हर दिन मेरे रिकॉर्ड में क्या मिलेगा?»»,- գրել է Զոհրաբյանը:

Աղբյուր` Փաստինֆո