Փաստ ինֆո

ՌԴ արտաքին գերատեսչության ղեկավարը Ադրբեջանի ԱԳ նախարարի հետ համատեղ ասուլիսի ընթացքում հատարարել է եռակողմ հայտարարության բոլոր կետերի կատարման կարեւորության մասին, քանի որ հենց դա թույլ կտա կայունություն ապահովել տարածաշրջանում։ Լավրովը հայտնել է, բոլոր հումանիտար հարցերը պետք է լուծվեն հնարավորինս օպերատիվ՝ դա վերաբերում է նաեւ զոհվածների մարմինների, անհայտ կորածների, գերեվարվածների եւ ականապատ քարտեզների վերադարձին։

Լավրովն ասել է, որ հարցը քննարկվել է նաև Երեւանում, նախնական քայլեր են արվել ու հույս է հայտնել, որ հարցը շուտով կլուծվի։

«Մենք սկզբունքորեն կողմ ենք, որ հումանիտար նշանակություն ունեցող բոլոր հարցերը լուծվեն հնարավորինս օպերատիվ և առանց որեւէ նախապայմանի։ Ես նկատի ունեմ և՛ զոհվածների մարմինների վերադարձը, և՛ անհետ կորածների որոնումը, ռազմագերիների վերադարձը և այն խնդիրների կարգավորումը, որոնք, ինչպես ընդունված է ասել, կապված են պատերազմի հետևանքներին», - ասել է Լավրովը՝ կարևորելով ականապատ տարածքների քարտեզների տրամադրումը։

ՌԴ ԱԳ նախարարը հայտարարել է նաև, որ հաղորդակցությունների ապաշրջափակման հարցը լուծվում է՝ հաշվի առնելով բոլոր շահագրգիռ կողմերին։

Աղբյուր` Փաստինֆո