Փաստ ինֆո

Մայիսը հաղթանակների ամիս է` հաղթել ենք Սարդարապատում, հայրենական պատերազմու, ազատագրեց Արցախի թագուհին` Շուշին, - «Հաղթանակ» զբոսայգում հայտարարել է «Հայրենիք» կուսակցության նախագահ Արթուր Վանեցյանը եւ ավելացրել. «այսօր չենք կարող ինքերս մեզ խաբել եւ եռատոնը նշել այնպես, ինչպես նախկինում: Այսօր մեր հայրենիքը վերքերի մեջ է, մեր ժողովուրդը շատ տխուր է»:

«Այսօր մենք ունենք կորսված Արցախի շատ մեծ հատված, ունենք հազարավոր նահատակված հերոսներ, առյուծ տղաներ, որոնք իրենց կյանքով պաշտպանեցին մեր երկիրը: Ցավոք` այս իշխանությունների ապաշնորհ, ապիկար գործողությունների արդյունքում մեր երկիրը, ժողովուրդը չի կարողանում ուղիղ մեջքով քայլել, բայց համոզված եմ, որ ունենալու ենք նոր հաղթանակներ, մեր ժողովուրդն ուղղելու է իր մեջքը», - ընդգծել է նա:

Ա.Վանեցյանի գնահատմամբ` մեր ազգի մեջ չպետք է լինեն բաժանումներ: «Հենց այդ բաժանումները հանգեցրին այս ամենին: Պետք է լինենք միասնական, մեկ բռունցքի պես», - նշել է նա:

Աղբյուր` Փաստինֆո