Փաստ ինֆո

Ապրիլի 23-ին իմ տելեգրամյան ալիքում առաջարկեցի Նիկոլի՝ Հայաստանի վարչապետի պաշտոնը ստանձնելու եռամյակի կապակցությամբ կազմել նրա «նվաճումների» տասնյակը՝ երեք անվանակարգում։ Ստացել եմ բազմաթիվ մեկնաբանություններ։ Ինչպես հասկանում եք, դրանք կարելի է դասակարգել տարբեր անվանակարգերում և դրանց թիվը շատ ավելին է, քան տասը։ Ստիպված էի կազմել նաև 4-րդ անվանակարգը՝ ամենատարօրինակ հայտարարություններն ու իրադարձությունները։ Այսպես, ներկայացնում եմ բոլոր անվանակարգերի հիմնական կետերը։

Նիկոլի և նրա թիմի գործունեության հիմնական ընդհանրացումները՝ թոփ տասնյակ:

Նիկոլի հիմնական ձախողումները.

1. Խաղաղ բանակցությունների ձախողում և 44-օրյա պատերազի սանձազերծում՝ 5000 զոհ, ավելի քան 10 հազար վիրավոր, մեծ թվով գերիներ, Արցախում կորսված տարածքներ։

2. Իրական սպառնալիքներ Հայաստանի տարածքային ամբողջականությանը և ինքնիշխանությանը՝ մասնավորապես Մեղրիի միջանցքի մասով և բանակի ու ազգային անվտանգության համակարգերի փլուզմամբ պայմանավորված:

3. Հայաստանը կորոնավիրուսի համավարակի տարածաշրջանային առաջատար։

4. 2008թ-ի մարտի 1-ի պատվիրված ու ձախողված քրեական գործ․ արդյունքում Քոչարյանը, Օհանյանը, Խաչատուրովը և Գևորգյանը արդարացվել են։

5. Երկրում սոցիալ-տնտեսական իրավիճակի վատթարացում․ աղքատության մակարդակի բարձրացում, գործազուրկների թվի ավելացում, արտագաղթի խորացում, պարենային ապրանքների գների բարձրացում, դրամի փոխարժեքի փլուզում, գազի և էլեկտրաէներգիայի սակագների բարձրացում, անշարժ գույքի գույքահարկի բարձրացում:

6. Պետական պարտքի ավելացում՝ 3 տարում 3 մլրդ դոլարով:

7. Տարածաշրջանում հիմնական հարևանների հետ հարաբերությունների վատթարացում:

8. Կոռուպցիայի դեմ պայքարի ձախողում, որի արդյուքնում նախկին օլիգարխները դարձան խոշոր սեփականատերեր ու սկսվեց ձևավորել նոր՝ Իջևանյան կլան։

9. Երկրի ներքին հանրային կյանքի խաթարում՝ հասարակության աննախադեպ բևեռացում, Հայ առաքելական եկեղեցու հետ հարաբերությունների քայքայում և Սփյուռքի հետ հարաբերություններում լարվածության ստեղծում, ժողովրդավարական ավանդույթների վատթարացում՝ ըստ միջազգային կազմակերպությունների զեկույցների:

10. ЕASA-ի կողմից Հայաստանի քաղավիացիայի և առանձին ավիաընկերությունների հանդեպ սանկցիաներ և արգելքներ կիրառելու մասին հայտարարության ընդունում:

Նիկոլի վիճելի (անիմաստ) որոշումներն ու փաստաթղթերը.

1. ԵԱՀԿ Մինսկի խմբին զուգահեռ՝ Արցախի վերաբերյալ գաղտնի բանակցությունների վարում, Արցախի համար 5 մլրդ դոլարի գործարքի վարկածի ի հայտ գալը։

2. ԲՈՒՀ-երում հայ ժողովրդի պատմության և հայոց լեզվի ուսուցումը սահմանափակող նախաձեռնությունները:

3. ՍԴ դատավորների վաղ կենսաթոշակի մասին օրենքը:

4. Համավարակի ժամանակ քաղաքացիներին հետևելու (հսկողության) օրենքը:

5. Քաղաքացու օրվա հռչակումը՝ առանց քաղաքացի կրթելու՝ փողոցներում խորոված անելու նպատակով:

6. 2020թ-ի հուլիսին ընդունված Հայաստանի ազգային անվտանգության ռազմավարությունը:

7. ՍՈՒ-30 ինքնաթիռների ձեռքբերումը՝ առանց սպառազինության:

8. Գյուղատնտեսության, մշակույթի, սփյուռքի նախարարությունների լուծարումը:

9. Ապրիլյան պատերազմի քննիչ հաձհաժողովի ստեղծումը և դրա չհրապարակված զեկույցը:

10. Արտաքին հարաբերություններում մի շարք խնդիրները.

• Եվրոպայի Խորհրդում ՌԴ-ի դեմ քվեարկություն (2018 թ.)

• Իրայելում դեսպանատան բացում (առանց Իրանի հետ համարժեք աշխատանքի), այնուհետև մի քանի ամիս անց՝ դեսպանի հետկանչ

• Հակաչինական կրոնական ազատության ալյանսի անդամակցություն, ցանկը կարելի է շարունակել:

Նիկոլի հիմնական անօրինական գործողություններն ու որոշումները.

1. Մարտի 1-ի գործով գաղտնի հեռախոսային խոսակցություններ:

2. 2018թ-ի հոկտեմբերին ուժի պարտադրմամբ խորհրդարանի լուծարում՝ երկրում իշխանության փաստացի յուրացում։

3. Պետական պաշտոնյաներին պարգևատրելու մասին գաղտնի որոշում։

4. Դատարանների շենքերի մուտքերի շրջափակում:

5. Սահմանադրական դատարանի կազմի հակասահմանադրական փոփոխություն:

6. Վարչապետի կնոջ մասնակցությունը հրամանատարական խորհրդակցություններին և պատերազմի ժամանակ ռազմական-ռազմավարական որոշումների ընդունմանը:

7. Երկրի բարձրաստիճան պաշտոնյաների մակարդակով ուղիղ և անուղղակի պահանջի ներկայացում Ucom-ի սեփականատերերին՝ օտարել ընկերությունը՝ ունեզրկման գործընթացի սկիզբ:

8. «Հայաստան» հիմնադրամից 52 մլրդ դրամի փոխանցում Կառավարությանը։

9. Նոյեմբերի 10-ի գիշերը տեղի ունեցած իրադարձություննեի քրեական գործի մասով խորհրդակցության կազմակերպում՝ քննչական մարմինների ղեկավարների, գլխավոր դատախազի և մի շարք դատավորների/ դատարանների նախագահներ և այլն/ ու Բարձրագույն դատական խորհրդի մի շարք անդամների մասնակցությամբ

10. ՀՀ վարչապետի օգնական Աննա Վարդապետյանի կողմից քրեական գործի քննության ընթացքին միջամտություն:

Նիկոլի օրոք տեղ գտած տարօրինակ հայտարարություններն ու իրադարձությունները.

1. Հրայր Թովմասյանի նվիրած գրիչի վերաբերյալ հայտարարությունը:

2. Արտակարգ դրության ժամանակ հայտարարությունը՝ կոմունալ վճարումների մասին՝ սզբում չվճարել, իսկ հետո հակառակը պահանջել:

3. 2020 թ. ապրիլի 24-ի Արտուշ պապու հետ կապված շոուն:

4. Իսկանդերի վերաբերյալ հայտարարությունները:

5. 2019թ-ի հունվարին ՔԿՀ-ում Մհեր Եղիազարյանի մահը:

6. Վայոց Ձորում մարզպետի մասնակցությամբ զինվորականին ծեծի ենթարկելը:

7. Վարչապետի և նրա թիմի հայտարարությունները 44-օրյա պատերազմի ողջ ընթացքում:

8. Վարչապետի և նրա թիմի հայտարարությունները 44-օրյա պատերազմից հետո.

• Զոհերի վերաբերյալ հայտարարությունը՝ +/- 50 –ով զոհերի մասին խոսելը

• Շուշիի ադրբեջանական ծագման մասին հայտարարությունը

• Բաքվից չժամանած գերիների մասին իշխանությունների հայտարարությունները

• Որդու՝ Աշոտի պատերազմի ընթացքում ծառայության մասին հայտարարությունը

9. Իջևանում տեղի ունեցած դաժան ձերբակալությունները և արյան գետերի մասին վարչապետի պահանջը (ըստ Ա. Վանեցյանի):

10. Հայտարարությունը ծխախոտի մաքսանենգության, մետաղի ջարդոնի արտահանման մեղադրանքների վերաբերյալ. ուզում եք հավատացեք, ուզում եք՝ ոչ:

Արմեն Գևորգյան
ՀՀ նախկին փոխվարչապետ

Աղբյուր` Փաստինֆո