Փաստ ինֆո

Կառավարության որոշումը ավելի է վատթարացնում վիճակը. ՀՀ ՄԻՊ Արման Թաթոյանը խորհրդարանում տարեկան զեկույցի ներկայացման ժամանակ անդրադարձավ կառավարության հրատապ հաստատված որոշմանը, որով հիմնադրամի կարգավիճակ ունեցող 12 ԲՈւՀ-ց 3-ում հոգաբարձուների խորհրդի ձեւավորման կարգը փոխվել է՝ 32-ից կամ 24-ից դառնալով՝ 20:

«Կարծում եմ ԿԳՄՍ նախաձեռնությունը անարգանք է երկու սահմանադրական ինստիտուտների՝ նախագահի և ՍԴ-ի հանդեպ։ Ավելին, նախագահը դիմել է օրենքը վիճարկելու հարցով ավելի բարձր ուժ ունեցող, հիմա սա ավելի ցածր իրավաբանական ուժ ունեցող ակտով կարգավորվում է»։

Արման Թաթոյանը նշեց, որ չնայած կառավարությունը նշում է, թե խնդիր է առաջացել, որը փորձել են կարգավորել, ինքը կարծում է, որ սա արհեստական առաջացած խնդիր է։

«Ստացվել է, կառավարությունը առաջացրել է խնդիրը և լուծում է այն ԲՈՒՀ-երի ինքնավարության հաշվին։ Կարծում եմ, դա անթույլատրելի է»։

Թաթոյանը տեղեկացրեց, որ ՄԻՊ աշխատակազմը պատրաստում է ՍԴ-ին ուղղված դիմումը։

«Ես կառավարության այս որոշումը վիճարկելու եմ ՍԴ-ում՝ հավանաբար այսօր կամ վաղը։ Կներկայացվի դիմում, որովհետև դարձյալ հաշվի չի առնվել ԲՈՒՀ-երի մասնագիտական շրջանակների կարծիքը։ Տեղի է ունեցել փակ ռեժիմով քննարկում, ընդունվել է նախագիծը»։
Թաթոյանը երկու խնդիր է տեսնում՝ բովանդակային և ընթացակարգային կոպիտ խախտումներ։

Նշենք, որ ԱԺ-ն ընդունել է  կրթության ոլորտը կարգավորող հիմնական օրենք, որոնցով սահմանափակվեցլ է  ԲՈՒՀ-երի ինքնակառավարման իրավունքը։ Նախագահը օրենքն ուղարկել է ԱԴ՝ սահմանադրականության հարցը վիճարկելու առումով, սակայն Կառավարությունը չզեկուցվող հարցերի շրջանակում  քննարկել և որոշում է ընդունել՝ փոփոխություն մտցնել ՀՀ երեք ԲՈՒՀ-երի կանոնադրության մեջ՝ սահմանափակելով ինքնակառավարման իրավունքը։

Կառավարման մարմինների նշանակման կարգը փոխվելու է և 50 տոկոսից ավելին նշանակելու է Կառավարությունը։

Աղբյուր` Փաստինֆո