Փաստ ինֆո

Ժամկետային զինվորական կամ այլընտրանքային ծառայության հերթական զորակոչից, վարժական հավաքից կամ զորահավաքային զորակոչից խուսափած անձանց նկատմամբ համաներում հայտարարելու մասին օրինագիծը քննարկվեց խորհրդարանում։

Արդարադատության նախարարի տեղակալ Արմեն Հովհաննիսյանն ընդգծեց, որ նախագծի նպատակն է հնարավորություն տալ ծառայությունից խուսափած անձանց վերադառնալ հայրենիք, սեփական ավանդը ներդնել երկրի տարբեր ոլորտներում զարգացման համար:

Առաջարկվում է համաներում հայտարարել 27 տարին լրացած շարքային, 35 տարին լրացած պահեստազորի սպայական կազմերի պարտադիր զինվորական կամ այլընտրանքային ծառայությունից, նաև վարժական հավաքից կամ զորահավաքային զորակոչից խուսափած և ՀՀ Քրեական օերնսգրքի 327-րդ հոդվածի 1-ին և 3-րդ մասով նախատեսված հանցագործություն կատարելու մեջ կասկածվող, մեղադրվող կամ դատապարտված անձանց նկատմամբ:

Առաջինից երկրորդ ընթերցում նախատեսվում է նախագծում փոփոխություններ կատարել և ընդլայնել շահառուների շրջանակը։

Օրենքը կտարածվի անձանց վրա, որոնց 27 տարեկանը կլրանա մինչև օրենքի ուժի մեջ մտնելը: Փոփոխությունը կատարվել է նաև քրեական օերնսգրքի 327-րդ հոդվածի 3-րդ մասով։

«Համաներումը չի կիրառվելու զորահավաքային զորակոչի, այդ թվում՝ 2020 թվականի սեպտեմբերի 27-ին հայտարարված զորահավաքային զորակոչից, նաև վարժական հավաքից խուսափած անձանց նկատմամբ»,- նշեց Հովհաննիսյանը:

Անդրադառնալով սահմանափակումներին, արդարադատության նախարարի տեղակալը նշեց, որ համաներումը չի կիրառվում նաև այն անձանց նկատմամբ, ովքեր մինչև օրենքի ուժի մեջ մտնելը, բացի ՀՀ Քրեական օրենսգրքի 327-րդ հոդվածի 1-ին մասից, հանցագործությունների կամ դատավճիռների համակցության կանոններով, կարող են մեղադրվել, մեղադրվում են կամ դատապարտվել են այլ հոդվածով:

Աղբյուր` Փաստինֆո