Փաստ ինֆո

«Խոսել մի բանի մասին, որ երկու դերակատար կողմերը չեն հաստատում՝ աբսուրդ է։ Ես ունեմ մի շարք հարցեր՝ մեր երկրի անվտանգության, մեր և Արցախի ապագայի վերաբերյալ։ Այս հարցերի պատասխանը ես պետք է ստանամ բոլոր այն կողմերից, որոնցից առաջարկներ ստանում եմ, որպեսզի հասկանամ իմ քաղաքական ապագան ո՞ւմ հետ եմ կառուցում»,- ԱԺ անկախ պատգամավոր Թագուհի Թովմասյանը խորհրդարանում լրագրողների հետ զրույցում անդրադարձավ տեղեկություններին, թե արտահերթ խորհրդարանական ընտրություններից առաջ իր անունը ընդգրկվել է ՀՀԿ-Հարենիք դաշինքի ցուցակում։ 

Պատգամավորը հիշեցրեց, որ բոլոր ուժերից առաջարկ ստացել է, բայց էթիկապես սխալ է համարում հայտնելու կոնկրետ առաջարկների մասին։

«Երեկ ամբողջ օրվա ընթացքում ինձ մեղադրում էին, ասում որ «մենք գիտեինք, որ դու ՀՀԿ-ի հետ ես, դեքմդ պատռեցիր», այսօր էլ գրում են, որ Ռոբերտ Քոչարյանի հետ եմ։ Մի մասը ինձ ասում է, որ Նիկոլ Փաշինյանի հետ եմ գնալու և այս ամենը բեմականացված է։ Եթե հիմա հայտարարեմ, որ ընտրություններին չեմ մասնակցելու, կասեն ուրեմն Միքայել Մինասյանի կողմնակիցն եմ։ Ես հիմա պետք է հասկանամ՝ ես որ կողմից եմ։ Ես դեռ չունեմ որոշում»։

Պատգամավորը անդրադարձավ նախկին թիմերի վերադարձին, նրանց միավորվելուն, նշեց, որ գաղտնի գործընթացներ տեղի չեն ունենում, բոլոր տարբերակներում խնդիրներ տեսնում է, մտածելու երկար ժամանակ է անհրաժեշտ։

«Բոլոր խնդիրներն իմ աչքի առաջ ունեմ, դրա համար դժվարանմում եմ կողմնորոշվել։ Ամենևին պարտադիր չէ, որ ես որոշում կայացնեմ, որ ինչ-որ մեկի հետ գնամ, գուցե ես քաղաքական «թայմ աութ» եմ վերցնում և չեմ մասնակցում այս ընտրություններին, այլ՝ կմասնակցեմ  հաջորդին։ Ես շատ հարցեր ունեմ և ինքս պիտի ինձ նախ համոզեմ ինչ եմ ուզում, որ հետո կարողանամ պնդել հանրային տեսակետը»,- ասաց պատգամավորը։

Թովմասյանը չպատասխանեց հարցին, թե արդյոք Սասուն Միքայելանն է իրեն առաջարկել ընտրություններին գնալ իշխող ուժի հետ։

«Սասուն Միքայելանի անուն ազգանունով որևէ հարցի չեմ պատասխանելու, նա իմ ընտանիքի քավորն է, իմ սրբությունն է»։

Պատգամավորը չցանկացավ հիշել նաև, թե նախկինում իշխող ուժը փորձել է իրենից ձերբզատվել։ Հատկապես 2019 թվականին ջանքեր էին գործադրում, որպեսզի Թագուհի Թովմասանը վայր դնի մանդատը, սակայն վերջինս լքեց դաշիքնը պատերազմից հետո։

«Ես բազմաթիվ հարցերի շուրջ ունեցել եմ անհամաձայնություններ գործող իշխանության հետ և դրանք հրապարակային արտահայտել եմ, իմ տեսակետից երբևէ չեմ շեղվել և բնականաբար անպես չէ, որ մարդիկ ողջունում են, որ ես ազատ արտահայտում եմ իմ կարծիքը։ Անցյալը անցյալ է»,- եզրափակեց պատգամավորը։

Աղբյուր` Փաստինֆո