Փաստ ինֆո

Կապիտուլյացիոն ակտի ստորագրումից հետո ՀՀ սահմանների շուրջ ստեղծված անվտանգային հիմնախնդիրների մասին բարձրաձայնումները նյարդայնացնում են ՀՀ իշխանություններին, որոնք դրանք կարգավորելու փոխարեն որդեգրել են բարձրաձայնողներին լռեցնելու մարտավարությունը։

Սյունիքում անվտանգային խնդիրները կարգավորելու անհրաժեշտության մասին հարցերին ի պատասխան ԱԺ պետաիրավական հարցերով մշտական հանձնաժողովի նախագահ Վլադիմիր Վարդանյանը հունից դուրս գալով հայտարարեց.

«Հիմա խոսում եք՝ ի՞նչ վիճակում է սահմանները, եղե՞լ եք սահմաններում։ Լա՞վ չի սահմանների վիճակը, բա գնացեք՝ Ադրբեջանի լրատվամիջոցներով հայտարարեք, որ լավ չի վիճակը»,- նշեց պատգամավորը։

Լրագրողի դիտարկմանը, որ Սյունիքի դիրքերից շատ լավ հետևում են, թե ինչ վիճակում է մեր սահմանը, Վարդանյանն արձագանքեց՝ նշելով.

«Կահավորվա՞ծ չեն մեր դիրքերը։ Բա ինչու՞ եք ինձ հարցնում, միանգամից՝ ստատուս գրեք, նկարեք ուղարկեք Ադրբեջանի լրատվամիջոցներին։ Իսկ դուք ի՞նչ եք անում։ Մենք ունենք իրավիճակ, որ երբ Ադրբեջանը պատերազմի սկզբին փակեց իր բոլոր լրատվամիջոցները, սոցիալական ցանցերը, առայժմ պահում է տեղեկատվությունը գաղտնի։ Այդ ընթացքում կային շատ լավ և բարեխիղճ լրատվամիջոցներ, որոնք օբյեկտիվ իրականությունն էին ներկայացնում, բայց դրա հետ զուգահեռ կային շատ ակտիվ սուբյեկտներ, որ օր առաջ Հայաստանը պարտության էին մատնում»։

Վերջինս դիմելով լրագրողներին՝ հայտարարեց, թե մի փորձեք թուլացնել բանակը, նսեմացնել ՀՀ ԶՈՒ-երը և հերոսությունը, որ կատարել են ԶՈՒ-երը։

Նշենք, որ Վլադիմիր Վարդանյանի այս հայտարարությունը հաջորդել էր Նիկոլ Փաշինյանի՝ ԱԺ դահլիճում հնչեցրած մեղադրանքներին, երբ արձագանքելով պատգամավորի մտահոգություններին՝ կապված առաջնագծի կահավորման բացակայության վերաբերյալ, նշել էր, թե

Ադրբեջանի հետախուզությունը փող ծախսելու անհրաժեշտություն չունի, ավելին՝ առաջարկել է հաջորդ անգամ կոորդինատներով դա ներկայացնել։

Աղբյուր` Փաստինֆո