Փաստ ինֆո

Գուցե դժվար է եւ տհաճ է ընդունել ճշմարտությունը, երբ զգացմունքներ ունես տղամարդու նկատմամբ, բայց պետք է նայել փաստերին: Ամեն ինչ պարզ է. եթե նա չի փորձում նվաճել քեզ, ուրեմն դու նրան պետք չես։

Գիտեմ, սա վերջինն է այն բաներից, որ դու ուզում ես լսել, բայց դու չես կարող հավատալ, որ կարևոր մեկն ես նրա համար, եթե նա քեզ դրա համար ոչ մի առիթ չի տալիս։

Դու ստիպում ես քեզ հավատալ, որ նա քեզ սիրում է, թեկուզ ավելի քիչ, քան դու նրան, բայց դա այդպես չէ: Գուցե դու նրան դուր ես գալիս այնքան, որ քեզ մոտ գաս, երբ նրան հարմար է, բայց դա սեր չէ։

Գուցե դու ստանում ես նրա ուշադրության փշրանքները, բայց նա երբեք քեզ չի տա իր սիրտը։ Նա ներդրումներ չի ունենա ձեր հարաբերություններում, եւ դու չես կարող շարունակել խաբել ինքդ քեզ:

Ամեն ինչ շատ պարզ է. եթե նա չի ջանում հասնել քեզ՝ նա սիրահարված չէ քեզ։ Մի բարդացրու. տղամարդը, ով ցանկանում է քեզ իր կյանքում, ամեն ինչ կանի, որպեսզի դու նրանը լինես։

Իսկ եթե ոչ, ապա նա արդարացումներ կգտնի, թե ինչու չի կարող հանդիպել, նույնիսկ եթե ապրում է մի փողոց այն կողմ։

Ճշմարտությունը կայանում է նրանում, որ տղամարդիկ պետք է հոգ տանեն կնոջ մասին և հասնեն նրան, դա նրանց էության մի մասն է։ մարդը իսկապես ցանկանում է կնոջը, նա ջանք է թափում նրա համար, անում է ամեն ինչ, որպեսզի նա լինի իրհետ։

Չէ որ մենք բոլորս գիտենք այս ամենը, այդպես չէ՞։ Պարզապես երբեմն շատ դժվար է սա ընդունել և խոստովանել, երբ լի ես հույզերով։

Իսկ նա շարունակելու է տալ քեզ ճիշտ այնքան, որքան որ պետք է քո հույսը սնուցելու համար, բայց ոչ այնքան, որ դու վստահ լինես, որ նրա սիրտը պատկանում է քեզ։

Նա կխաղա ձեզ հետ, կլինի մերթ սիրառատ ու զգայական, ապա մի քանի օր կկորչի։ Եվ դա չի նշանակում, որ դու պետք է ավելի շատ ջանքեր գործադրես նրա համար։ Դու չպետք է դա անես: Մի եղիր մեկը, ով սպասում է տղամարդու հաղորդագրությանը, կարծես դա կյանքում միակ կարևոր բանն է։ Դու երբեք չպետք է թույլ տաս, որ տղամարդը մտնի ու հեռանա քո կյանքից, երբ նրա մտքին փչի:

Քո սիրտը խաղալիք չէ, եւ նա չի կարող խաղ անելլ նրա հետ։ Եղիր արժանի կին եւ իմացիր քո գինը: Եղիր անկախ, համարձակ ու վստահ, նույնիսկ եթե կարծում ես, որ սիրում ես նրան ամենից շատ աշխարհում։

Թույլ մի տուր, որ տղամարդը վատնի քո ժամանակը և մի սպասիր, թե երբ նա վերջապես կփոխվի։ Քանի որ դա չի լինելու երբեք։

Հոգու խորքում դու գիտես, որ նա քեզ նվաճելու փորձեր չի անում, քանի որ չի զգում քո հանդեպ այն, ինչ դու նրա հանդեպ։ Այնպես որ, դադարիր ստել ինքդ քեզ և կեղծ հույսեր տալ։

Եթե դու նրա երազանքի կինն ես, ոչինչ չի կանգնեցնի նրան: Եվ եթե նա ոչինչ չի անում ձեզ համար, բաց թող նրան, եւ գտիր մեկին, ով ցույց կտա քեզ, թե ինչ է իսկական սերը:

Մի գնահատիր քեզ այն բանով, թե կան քո կյանքում հարաբերություններ, թե ոչ: Եղիր կին, ով գիտի, որ ավելի լավ է լինել միայնակ, քան ունենալ վատ հարաբերություններ:

Աղբյուր` Փաստինֆո