Փաստ ինֆո

«Օջախն արդեն հայտնաբերվել է, ուժերը դասավորում են, մարման աշխատանքները կատարելու համար։ Հավանաբար, բարձր լարում է տեղի ունեցել, որի հետևանքով էլ ջերմությունից մալուխները բռնկվել են։ Այնտեղ 6000 վտ հզորությամբ 30 մալուխներ կան»,–լրագրողներին ասաց ԱԻՆ փրկարար ծառայության փրկարարական ուժերի վարչության հրդեհաշիջման և փրկարարական աշխատանքների կազմակերպման բաժնի պետ, փրկարար ծառայության գնդապետ Արթուր Ոսկանյանը:

Այս պահին 3 մարտական հաշվարկ է աշխատում դեպքի վայրում, և հիմնական դժվարությունը, ըստ Ոսկանյանի, ծխապատ գոտին է, որը, սակայն, հաղթահարելի է։

Նա նշեց, որ այս պահին թունելը ծխով պատված է, այրվում են մալուխներ, հետախուզություն է իրականացվել ու գտնվել է օջախը:

Փրկարար ծառայության գնդապետի խոսքով,  հրդեհի պատճառը հավանաբար բարձր լարումն է եղել, տաքությունից վառվել են մալուխները։ 

«Հիմա ընթանում են հրդեհաշիջման աշխատանքներ, հետախուզությունը դուրս գա, զեկուցի, այնուհետ կսկսեն մարման աշխատանքները»,- ասաց Ա. Ոսկանյանը:

«Հայաստանի էլեկտրական ցանցեր» ընկերության գլխավոր տնօրեն Կարեն Հարությունյանն ասաց, որ այրվող մալուխները գրեթե ամբողջ փոքր Կենտրոնի այլընտրանքային լրացուցիչ հոսանքի աղբյուր էին հանդիսանում, ունեն այլընտրանք և պետք է որ արդեն բոլորն ապահոված լինեն հոսանքով:

«Կարճ ժամանակում հնարավոր է եղել անցնել լրացուցիչ սնուցման, աշխատում ենք անհանգստություն չպատճառել ազգաբնակչությանը »,- ասաց Կ. Հարությունյանը:

Աղբյուր` Փաստինֆո