Փաստ ինֆո

Իմ նախավերջին խմբագրումից հետո տեքստը շատ պարզ էր. «Նիկոլ Փաշինյանը ճիշտ էր, երբ ասում էր, որ ամեն գնով, կրկնում եմ, ամեն գնով պետք է հասնի իշխանության: Ես սխալվեցի` կարծելով, որ նրա համար թանկ է Հայաստանի յուրաքանչյուր քաղաքացու կյանքը»: Այս մասին ասաց ռեժիսոր և սցենարիստ Մհեր Մկրտչյանի հետ զրույցում ՀՀ երրորդ նախագահ Սերժ Սարգսյանը։

«Այս բարդ նախադասությունները ես պարզեցրել եմ՝ նկատի ունենալով հետևյալ հանգամանքը, որ թեև շատ պարզ չէր ասված, բայց կարող էր սա ավելորդ լարվածություն առաջացնել»,-պարզաբանում է Սերժ Սարգսյանը:

Նաև նաև հիշեցրեց իր և Նիկոլ Փաշինյանի հանդիպումը՝ «Մարիոթ Արմենիա» հյուրանոցում, նշելով հանդիպման գնալու իր պատճառների մասին։

«Ես գնացի նրա հետ հանդիպելու: Իմ գործընկերներից շատերն ասում էին, որ պետք չէ գնալ նրա հետ հանդիպման, բայց ես կարիք ունեի անձնապես համոզվելու՝ իրո՞ք այս մարդը կարմիր գիծ ունի, թե՞ չունի: Եվ ես շատ կարճ ժամանակում համոզվեցի, որ նա պատրաստ է գնալ մինչև վերջ: Իսկ այդ վերջն ինձ համար շատ դիվային էր»,- նկատեց ՀՀ երրորդ նախագահը:

Սարգսյանը նշեց, որ Փաշինյանը ձերբակալվեց 22-ին՝ ապրիլի 22-ին:

«Ինչպես արդեն նշեցի, նա չձերբակալվեց Ռադիոտան գրավումից հետ: Բանն այն է, որ Ռադիոտան ժամանակ նրանք սակավաթիվ էին, իսկ այդ ժամանակ արդեն բավականին շատ մարդ կար փողոցներում, և նրանք արդեն կարմիր գծերը հատել էին: Հենց դրա համար էլ ես չընդդիմացա իրավապահների որոշմանը: Ինքս իմ ներսում արդեն մտածում էի հրաժարականի մասին ամսի 21-ի երեկոյան, 22-ի առավոտյան։ Անկախ նրանից կհանդարտվեր, թե ոչ, միևնույն է, ես հրաժարական էի տալու, որովհետև  դրա համար պատճառներ կային»,- ասաց Սարգսյանը:

Աղբյուր` Փաստինֆո