Փաստ ինֆո

Այս նամակը գրել եմ 2020 Հունիսի 3-ին Ազգային ժողովի «Իմ քայլը» խմբակցության պատգամավորներից մեկին, որը խորհրդարանում «Հայ-հնդկական» բարեկամական խմբի անդամ է և ում անձամբ ճանաչում էի,- ֆեյսբուքյան իր էջում գրել է օգտատեր Ապրես Զոհրաբյանը։

«․․․․ ջան ողջույն: Ուզում եմ քեզ հետ կիսվել Մ. Գանդիի արձանի տեղակայման հետ կապված հնարավոր խնդիրների կապակցությամբ և առաջարկությամբ:Վստահ եմ տեղյակ ես թե սոցիալական ցանցերով ինչ քննարկումներ և շահարկումներ ընթացան Մ.Գանդիի անձի շուրջ հայոց համար խիստ զգայուն հայ-թուրքական հարաբերությունների համատեքստում :Հիմա կա հանրային բացասական կարծիք, որը ավելի կսրվի, երբ բանը հասնի բուն արձանատեղադրմանը:

Հնարավոր են կամ ավելի շուտ ասեմ, որ անհնարին է , որ չլինեն այդ ուղղությամբ սադրիչ գործողություններ օրինակ արձանի պղծում կամ նման կարգի այլ տհաճ բաններ, որը չի կարող չստվերել հայ-հնդկական զարգացման հեռանկար ունեցող հարաբերությունները:Իմ անձնական կարծիքն է, որ կարելի է վերատեսության ենթարկել նախագիծը և այլ կերպար ընտրել որպես հայ-հնդկական բարեկամությունը խորհրդանշող:Ես թվարկեմ տարբերակները իրենց թույլ և ուժեղ կողմերը:

1.Գեորգի խան:Սրա թույլ կողմը այն է, որ ինքը շատ ճանաչված դեմք չի Հնդկաստանում և Հայաստանում: Այլ կերպ ասած Միսաք Մանուշյան չի :Եվ բացի այդ կխորհրդանշի զինյալ համագործակցությունը, իսկ հնդիկները ինչպես գիտես աշխատում են չեզոքություն պահպանել;Դեռ սառը պատերազմի տարիներին մի քիչ Սովետի կողմը թեքված չմիավորված երկիր էին:

2 տարբերակ ՝ Ռաբինդրանթ Թագորի արձանը:Ինքը դե բավականին ճանաչված և հարգված դեմք է Հնդկաստանում :իրենց ներկա հիմնի բառերի հեղինակը:Հայերի հասցեին ունի դրական արտահայտություններ:ճճ Եվ բացի այդ որոշակի ազդեցություն հայ գրականության վրա: 3 տարբերակ Մի այնպիսի արձան, որ կխորհրդանշի երկու ժողովուրդների հոգևոր արժեքները: Այս իմաստով կարող է ասենք Ռամայանայի և Սասնա Ծռերի առանցքային հերոսների սիմբիոզ լինի:Հայերը և հնդիկները էպոս ունեցող քիչ ժողովուրդներից են և այդ երկուսի մոտ էլ այդ էպոսները կենդանի են և ազդում են ներկայի վրա:

Հնդիկների մոտ մի քիչ ավելի շատ մեզ մոտ ավելի քիչ:Այս երեք տարբերակներից ամենախորքայինը վերջին տարբերակն է, ամեն անշառը 2 տարբերակը:Որպես Հնդկաստանում Հայաստանի ֆեյք դեսպան և Հայաստանի քաղաքացի չեմ ուզում , որ հայ-հնդկական հարաբերություններում թնջուկներ լինեն:Ես չգիտեմ թե դուք հիմա այս ուղղությամբ ինչ եք անում կամ մտադիր անել, բայց կարծում եմ ճիշտ կլինի պաշտոնական կամ պաշտոնաընկերական խողովակներով դեսպանի հետ քննարկեք հնարավոր վտանգները և արձանի այլընտրանքային տարբերակները »։

Պատասխանը եղավ մոտավորապես այսպիսին «Ապրես ջան հասկանում եմ մտահոգությունդ, բայց այդ հարցը մեր կոմպետենցիայից դուրս է ։Դրանով արտգործնախարարությունը և Երևանի ավագանին է զբաղվում»։

Էլ չգիտեմ թե այս հարցով ինչպես <<զբաղվեցին>> Արտգործնախարարությունը կամ Ավագանին , բայց արձանը վերջերս տեղադրվեց մթության քողի տակ , իսկ օրերս էլ պղծվեց։

Սա անշուշտ ստվերեց հայ -հնդկական հարաբերությունները, քանի որ Գանդին Հնդկաստանի համար սիմվոլիկ կերպար է։

Կարելի՞ էր իրերի նման զարգացումը կանխատեսել ։Այո կարելի էր և դա անելու համար Նաստրադամուս պետք չէր լինել։

Կանխատեսումից հետո կարելի՞ էր քայլեր ձեռնարկել ։Այո կարելի էր։Իսկ ինչու՞ չի արվել ։Պատասխանի համար տարբերակներ 1․ Ոչ կոմպետենտ են 2․ Գիտակցված գործում են Հայաստանի շահերի դեմ։

Հ․Գ․ Այն հայերը ովքեր հիմա ուզում են առիթավորվել և հայերին ներկայացնեն բացասական լույսի ներքո՝ ռասիստ և այլն կամ լիովին չեն գիտակցում իրերի վիճակը կամ հրահանգավորված են այդպես անելու համար։

Աղբյուր` Փաստինֆո