Փաստ ինֆո

Մեր հայրենիքի՝ Արցախի և Հայաստանի բնության և ճարտարապետական հուշարձանները ադրբեջանի ղեկավարի համար ընտանեկան հիացմունքի և սելֆիների նոր հորիզոններ է բացել։ Այդ հորիզոններն ալիևների ընտանիքին պարգևել է ՀՀ թավշյա վարչապետի ժպ-ն, ում համար հայկական պետությունն՝ իր հող ու ջրով, արգելոցներով և բնության հրաշալիքներով արժեք չէ։ 

Այնքան անարժեք, որ վերջինս Հայաստանի բացառիկ գանձերը մետրերով ու կիլոմետրերով ալիևին ու մեհրիբանին է նվիրում։ Երկու օր է՝ համացանցում մի լուսանկար է պտտվում, որն ուղեկցվում է մեհրիբան ալիևայի Ինստագրամի անձնական էջում կատարված մակագրությամբ, թե՝ Наши поездки в освобожденные от оккупации районы продолжаются.

Այս անգամ, պարզվում է՝ ՀՀ Սյունիքի մարզի Սոսու պուրակ արգելավայրի մասին է խոսքը՝ հատուկ պահպանվող տարածք, որը գտնվում է Ծավ և Շիկահող գետերի ափին՝ Շիկահողի արգելոցի հարևանությամբ։ Ալիևների ընտանիքը գրկել է հայկական սոսին՝ իբրև վկայություն, թե՝ հողն էլ, ծառն էլ՝ մերն է, մենք ենք տերը․․․

Ու գուցե բոլորովին էլ պատահական չէ այս լուսանկարի հայտնությունը հենց այս՝ կապիտուլյանտի՝ Սյունիքից վտարվելու հաջորդ օրերին, որպես պատիժ հանդուգն, իրենց ծննդավայրի համար պայքարող սյունեցիների։

Ակամայից հիշում ես երկու տարի առաջ քաղաքացու օրը Մաշտոցի պուրակում մանղալի գլխին կանգնած՝ ինքնամոռաց խորովածի շամփուրները շրջող ՀՀ վարչապետ կոչվածին, որի համար տոն հասկացությունը խոզի խորովածից այն կողմ չի կարող լինել։ Խոզ մաշկելու վարպետն ու սաֆարովի հայր ալիևը նույն հոգեբանական դաշտում են՝ երկուսն էլ հայության վրա են աշխատում՝ էլի՞ որքան կարող է հայ ազգը հանդուրժել ստորացումն ու ալիևափաշաևյան ծաղրուծանակը:

Ազգի ողբերգությունն այն է, որ դեռ ընդհանրության մեջ չի կարողանում հասկանալ, որ թշնամին ոչ միայն սահմանին է, այլև ներսում:

Ավելին, Արցախը ծրագրված պարտության մատնած թուրքի գործակալը այսօր Հայաստանն է կտոր-կտոր թուրքի բաժին անում: Ու մենք հանդուրժում ենք: Դեռ մի բան էլ վարչապետի փոխանորդ որպես պիտի թողնենք, որ նա ընտրոթյու՞ ն կազմակերպի: Այսպես՝ մինչև ինչև ե՞րբ, մինչև ու՞ր ենք գնում:

Աղբյուր` Փաստինֆո