Փաստ ինֆո

Մինչ հայության հետ կապ չունեցող և Արցախի ու Հայաստանի ներկա վիճակի հիմնական մեղավորը կապիտուլյացիայից հետո՝ խնդրած վեցամսյա ժամկետը ստանալով լծվել է Մակունցի՝ օրերս բարձրաձայնած՝ «Կա որոշակի միտում՝ Հայաստանը բաժանելու մասերի»՝ հրեշավոր մտքի համատեքստում իր հակահայ գործը վերջնական ավարտին հասցնելու ծրագրին, հայ քաղաքական ընդդիմությունը նախընտրական դաշինքների ձևավորման և ցուցակների կազմման՝ հույժ կարևոր կյանքով է ապրում։

Վատ լուր կա բոլոր նրանց համար, ովքեր համարում են, թե՝ կրթական, գիտելիքի պակասի, կառավարման ապաշնորհության և բանակցային հմտությունների պակաս ունեցող քայլողների առաջնորդն ու նրա ուսապարկերը չգիտեն, թե՝ ինչ են անում։ Իրականում նրանք չեն զավթել իշխանությունը, որ մեզ հիացնեն իրենց լավ կառավարմամբ կամ ժողովրդահաճո օրենսդրական նախաձեռնություններըվ, չեն եկել նաև բարելավելու իրենց ընտրողների, ընդհանրապես, հայության կյանքն ու կենցաղը։ Նրանք բերվել են հատուկ ծրագրով՝ Արցախն ու Հայաստանը կործանելու համար։ Նրանք այն որակն են, այն տեսակը, որ համաձայնել են իրականացնել այն, ինչի մասին մեզնից շատերը ենթադրում, բայց չեն ուզում բարձրաձայնել, մտածելով, թե՝ խոսքն ուժ ունի տիեզերական․․․

Եվ ահա նրանք՝ այդ խառնածինները եկել են՝ մի ամբողջություն կազմել ու որոշում են մեր ճակատագիրը։ Նրանց արարքները չի կարելի բացատրել սոսկ անկարողությամբ ու ապաշնորհությամբ։ Նրանք իրենց գործը, իրենց առաքելությունը լավ էլ կատարում են։ Այդ մենք մերը չենք կատարում՝ շարունակ տեղի տալով, շարունակ սրանց բերած կեղծ օրակարգերին տրվելով։

Այդ կեղծ օրակարգերից մեկն էլ արտահերթ ընտրություններն էն, որով զբաղեցնելով ընդդիմությանը, խառնածինները իրենց սև գործն են անում։ Սյունիքը՝ վկա, որ մաս-մաս հանձնվում է թշնամուն։ Երկիրը կոլապսի մեջ է՝ տնտեսություն, կրթություն, մշակույթ ու գիտություն՝ ոչինչ գոյություն չունի։ Համալսարաննե՞ր ունես՝ շուտով կարող է չունենաս, ատոմակայան ունե՞ս ի սարսափ թշնամու, դրանից էլ կարող է զրկվես, քանի որ այն քո անվտանգության երաշխավորն է այսօր։ Առողջ սնունդ ունե՞ս, այդ էլ դուրս կմղվի․․․Այս թեմաները՝ բուհական շենքեր վաճառելու, հանրապետության հրապարակը քանդուքարափ անելու, խորհրդային ատոմակայանի գոյության հարցերը միջազգային ատյաններում բարձրացնելու և այլն՝ թշնամին պատահական չի բերում։

Սրանք ինչ-որ տեղ զգուշացումներ են, մեր զգոնությունը, իրատեսությունը ստուգելու համար են։ Բայց մենք ոչ զգոն ենք, ոչ իրատես։

Աշխարհաքաղաքական և ներքին առաջնահերթությունները թողած՝ հակահայերին իշխանությունից հեռացնելու ռեալ հնարավորությունները չօգտագործած մեր ընդդիմությունը, ուժայիններն էլ հետը, այսօր կենտրոնացել են նախընտրական ամբիցիաների, ցուցակների, ցուցակների անունների վրա։ Ողբալի է։ Ավելին, ընտրություն կոչվող ֆարսը ընդդիմադիր դաշտում գործող ուժերին միմյանց դեմ տրամադրելու, ընդդիմադիր ճակատը կոտրելու համար է ասես մտածված։ Եվ կոտրվում է՝ քանի որ նախընտրական աղմուկի մեջ ներքաշվածները սկսում են այլ կանոնով գործել՝ հատվածականությունն է գլուխ բարձրացնում՝ հետևում թողնելով պետության ու պետականության վտանգները , վտանգի զգացողությունը։ Ընդ որում, «ընտրություն» կոչվող ներկայացման պաշտոնական օրն ու ժամն անգամ դեռ հայտնի չէ։

Աղբյուր` Փաստինֆո