Փաստ ինֆո

Խորհրդարանում «Իմ քայլը» խմբակցության պատգամավոր Վահագն Ալեքսանյանն իր ելույթում անդրադարձավ Նիկոլ Փաշինյանի այցին Սյունիք, որտեղ կատարվածն՝ ըստ պատգամավորի, պարզ, էժան խուլիգանություն էր, որը խորը նպատակներ ուներ։

«Բանն այն է, որ ժամանակին աֆրիկյան ծագող որսորդական աստղ, «պրիվետ» բառի համատարած, համահայաստանյան տաբուի հեղինակ հանդիսացած նախկին նախագահին, որի վերջին հարցազրույցը կարծես գրված մշակված, վերամշակված լիներ ադրբեջանական առաջատար լոբբիստների կողմից, այդ նախագահ «ադեպները» որոշել էին շեֆին նախընտրական անականկալ մատուցել»։

Ըստ նրա՝ դրանով փորձում էին կոտրել ոչ թե Նիկոլ Փաշինյանին, ոչ թե «Քաղաքացիական պայմանագիր» կուսակցությանը, այլ առաջին հերթին սյունեցուն:

«Պատահական չէ, որ հայհոյանքների հիմնական մասն ուղղված էր վարչապետին սատարող քաղաքացիներին, դրանք՝ այդ մանր ու էժան խուլիգանները փորձում էին սյունեցուն ցույց տալ իրենց համար միակ ընդունելի սյունեցու կերպարը, այն է՝ պատվերով հայհոյող, անբարեկիրթ, անքաղաքավարի, խուլիգան և ամենակարևորը՝ հեշտ կառավարվող»,- ասաց պատգամավորը և նշեց, որ դա իրենց չի հաջողվելու:

Վահագն Ալեքսանյանը նշեց, որ սյունեցին մերժել ու մերժում է այդ տեսակը:

«Դուք սյունեցուն չեք կարողացել կոտրել, երբ իշխանություն էիք, դուք այդ փորձի երկրորդ հնարավորությունը չեք ստանալու, քանի որ սյունեցին իր թասիբը հինգ ու տասը հազար դրամով չի վաճառելու, համակերպվեք»,-հավելեց նա:

Աղբյուր` Փաստինֆո