Փաստ ինֆո

Աշխարհում կորոնավիրուսի տարածման տեմպերը, Առողջապահության համաշխարհային կազմակերպության տվյալներով, հասել են առավելագույնին համաճարակի սկսվելուց ի վեր: Այս մասին հայտնում են ՏԱՍՍ-ից:

Այսպես, անցյալ հինգշաբթի՝ ապրիլի 22-ին, մոլորակի վրա առաջին անգամ վարակի ավելի քան 900 հազար դեպք է հայտնաբերվել մեկ օրում, իսկ դրանից հետո օրական հիվանդացածների թիվը չի նվազել 830 հազարից, հաշվել են ԱՀԿ-ի մասնագետները:

Հնդկաստանում վարակվածների թվով առավելագույն նիշերը թարմացվում են 5-րդ օրն անընդմեջ։ Երկուշաբթի իշխանությունները հայտնել են մեկ օրում 352 991 նոր դեպքի մասին, ինչը հերթական առավելագույն նիշն է դարձել ոչ միայն երկրի, այլեւ ամբողջ աշխարհի համար: Հնդկաստանում ընդհանուր առմամբ վարակվել է ավելի քան 17,31 մլն մարդ, նրանցից 195,1 հազարը մահացել է:

Ասիայում պանդեմիայի մեկ այլ խոշոր օջախ է մնում Թուրքիան, որը վարակվածների ընդհանուր թվով՝ 4,62 մլն. է, բարձրացել է վեցերորդ տեղն աշխարհում եւ աստիճանաբար հասնում է Ռուսաստանին (4,77 մլն.): Ընդ որում, անցած օրվա ընթացքում հանրապետությունում արձանագրվել է վարակման ավելի քան 40 հազար դեպք, ինչը շատ ավելի քիչ է նախորդ օրերի ցուցանիշներից, երբ հիվանդացածների թիվն ամեն օր աճել է 60 հազարով:

Աղբյուր` Փաստինֆո