Փաստ ինֆո

Դրանք ասեկոսեներ են, հերյուրանքներ, ավելորդ խոսակցություններ, որ տարածվում է, լուրջ մի ընդունեք: Այս մասին Ցեղասպանության զոհերի հուշահամալիրում լրագրողների հետ զրույցում ասաց Բարգավաճ Հայաստան խմբակցության առաջնորդ Գագիկ Ծառուկյանը՝ խոսելով իշխող ուժի հետ հնարավոր կոալիցիա կազմելու մասին:

Անդրադառնալով Սյունիքում վարչապետ Նիկոլ Փաշինանի ճանապարհը փակելուն, Ծառուկյանը նշեց, որ ժողովրդին սևերի-սպիտակների բաժանելը լավ բանի չի բերելու։

«Էդ հիմնական սևերի-սպիտակների բաժանելու խնդիրը բերեց հասցրեց, որ դա ես ասել եմ, զգուշացրել եմ՝ դրա դեմը պետք է սաստենք, թույլ չտանք, որ համերաշխութուններ լինի, այդպիսի բաներ տեղի չունենան։ Ազգը մեկն է, ժողովուրդը մեկն է»։

Արդյո՞ք Գագիկ Ծառուկյանը պահելու է պայմանավորվածությունն ու չի առաջադրելու վարչապետի թեկնածություն, եթե Նիկոլ Փաշինյանը հրաժարական ներկայացնի արտահերթ ընտրությունների համար, ԲՀԿ առաջնորդը նշեց, որ խոսքի տերն է լինելու։

«Անկախ ամեն ինչից, ես իմ խոսքը միշտ պահել եմ ու պահելու եմ, թող մնացածը մտածեն»,- ասել է նա:
Խոսելով առաջիկա արտահերթ ընտրությունների մասին՝ Ծառուկյանն ասել է, որ ակնկալիքներ ունեն, խնդիրների մասին գիտեն, դրա լուծումը ևս։

«Մենք երկար տարիներ գիտենք, որ մենք երկրորդ քաղաքական ուժն ենք։ Ընտրություններին մասնակցելու են մենակ, գնում են հաղթելու, գնում են իրենց ծրագիրն իրականացնելու, երկիրն այս իրավիճակից հանելու»։

Աղբյուր` Փաստինֆո