Փաստ ինֆո

Ցեղասպանության զոհերի հուշահամալիրում լրագրողների հետ զրույցում «Բարգավաճ Հայաստան» խմբակցության առաջնորդ Գագիկ Ծառուկյանն անդրադարձավ ցեղասպանութան միջազգային ընդունմանը, նշեց, որ Հայաստանին այս պահին դա օդ ու ջրի պես է անհրաժեշտ։

«Օդի ջրի պես դա անհրաժեշտ է, որ 106 տարի է ամբողջ ազգը սգում է, ողբում է, գալիս է, պայքարում է ցեղասպանությունը ճանաչելու համար։ Մեծ գործ է կատարում Սփյուռքը, բոլորիս նպատակն է արդարության ընդունումը, որ բոլորը պատասխանատու են արհավիրքի համար և միևնույն ժամանակ վերջին տարիներին Սփուռքի շնորհիվ մեծ աշխատանքներ են կատարում, շատ երկրներ ընդունել են ցեղասպանությունը։ Ուզում եմ մեր շնորհակալությունը և երախտագիտությունը հայտնել այդ պետություններին, որոնք կարողացել են կողմանկից լինել և ընդունել։ Բոլորիս նպատակն է, որ արդարությունը ընդունվի՝ և այլ քաղաքականություն վարողները կարողանան պատասխանատվություն կրեն և մենք էլ կարողանանք մեր տարիների պայքարը իրականացնենք և բոլորն էլ հասկանան ու գիտակցեն, որ աշխարհում ցեղասպանություն տեղի չունենա՝ ոչ մեկը այդ դաժանաութունը չտեսնի»։

Խոսելով Թուրքիայի հետ հարաբերությունները կարգավորելու մասին հարցին քննարկումներին, Ծառուկյանը կարևորեց նախապայմանները, որոնց մասին հանրությունը չգիտի։

«Առաջինը՝ Թուրքիան մեր թշնամին է։ Երկրորդը՝ ցանկացած նախապայման չի կարող լինել, պետք է այսօր ներկայացնեն։ Օրինակ ասում են հանդիպելու ենք առանց նախապայմանի։ Ուզում ենք հասկանալ՝ ինչի մասին են խոսելու, ի՞նչ առաջարկ է Հայաստանը անելու, կարո՞ղ է ազգը, ժողովուրդը իմանա։ Ժողովրդին դնում են թյուրիմածության մեջ։ Բայց կա տակը ինչ որ բան, որ պետք է բանակցեն։ Թող հանրությանը տեղյակ պահեն։ Այսօրվա կարգավիճակում մենք պետք է ուժեղ, հզոր լինենք, տնտեսապես զարգացած լինենք, մրցակից լինենք, որ ցանկացած քայլի կատարմամբ ոչ թե եղածն էլ վարձով հանձնվի, այլ պետք է կարողանանք մրցակցություն ունենանք, պայքարենք և իրենց շուկան էլ մտնենք»,- եզրափակեց Ծառուկյանը։

Աղբյուր` Փաստինֆո