Փաստ ինֆո

Այսօր մեր ցուցադրական վարժանքը կարծում եմ ծառայեց իր նպատակին և մենք կատարենցինք մեր առջև դրված բոլոր պարտականությունները,-այս մասին լրագրողների հետ զրույցում ասաց ԱԻ նախարար Անդրանիկ Փիլոյանը, մեկնաբանելով այսօրվա Ալ. Սպենդիարյանի անվան օպերայի և բալետի ազգային ակադեմիական թատրոնի շենքում ԱԻՆ-ի վարժանքը:

Փիլոյանն ասաց, որ այն գործողություննեը, որոնք ԱԻՆ-ը կատարում է իրական հրդեհի ժամանակ, շատ մոտ է այն գործողությանը, որն այսօր ցուցադրվեց:

«Ուղղակի որոշ գործողություններ, որոնք մենք ցուցադրեցինք այսօր, մենք հետագայում ավելի կկատարելագործենք և կկիրառենք հրդեհների ժամանակ: Նորարարություն էր ԱԹՍ-ով տուժածներին ազդարարելը, իհարկե ձայնը ցածր էր և ոչ բոլորն էին այն լսել: Սակայն մենք կաշխատենք այս ուղղությամբ և հետագայում կկիռարենք ավելի մեծ ԱԹՍ, կամ շառավիղը ավելի մեծ կվերցնենք»,-ասաց նախարարն ավելացնելով, որ  տարհանման աշխատանքները հետագայում նորարական մեթոդներով կկատարվեն։

Նա նաև նկատեց, որ հրդեհը  Արտակարգ իրավիճակների նախարարության գործառույթների միան մեկ բաղադրիչն է: Նրա խոսքով, տարհանման և պատսպարման պարապունքներ ևս պետք է անցկացվեն, այդ թվում՝ նաև դպրոցներում և մանկապարտեզներում։ 

Փիլոյանը նշեց, որ ապաստարանների հետ կան որոշակի խնդիրներ:

«Կան խնդիրներ, որոնք կուտակվել են շատ վաղուց, բազմահարկ շենքերի նկուղային հարկերը անօրինական կարգով բնակիչների կողմից սեփականաշնորհվել են: Մարդիկ, որպես սեփականատեր փակել են այդ նկուղները և մենք չենք կարող այն օգտագործել:  Բայց այս առումով մենք նույնպես աշխատում ենք»,-վստահեցրեց նախարարը։  

 Մանրամասները՝ տեսանյութում

Աղբյուր` Փաստինֆո